Հետաքրքիր զարգացում է սպասվում ԱԱԾ-ում Պետական վերահսկողական ծառայության (ՊՎԾ) աշխատակիցների նկատմամբ հարուցված քրեական գործի շրջանակներում: ՊՎԾ-ում այս օրերին վերջին շտրիխներով ի մի են բերվում հարուցված գործին առնչվող ՊՎԾ ուսումնասիրությունների ողջ աշխատանքները, հարուստ նյութերի ամփոփ «պապկան» Դավիթ Սանասարյանն առաջիկա օրերին կդնի վարչապետ Նիկոլ Փաշինյանի սեղանին: Գրում է 168.am-ը։
Աղբյուրի տվյալներով, շատ ավելի ուշագրավ փաստեր են առկա, որոնք լույս կսփռեն որոշ պաշտոնյաների գործարքների մութ պատմության վրա: Իսկ բացահայտված որոշ դրվագներով սլաքները ուղղվում են դեպի Արթուր Ասատրյանի (Դոն Պիպո) ու վերջինիս առնչվող երկու անձանց, ինչպես նաև ՀՀ առողջապահության նախարարության ուղղությամբ:
168.am-ը, իրեն հայտնի դարձած որոշ դրվագներից ենթադրում է, որ ԱԱԾ-ում պահվող ՊՎԾ աշխատակիցների և նրանց փոխկապակցված գործարարի նկատմամբ հարուցված քրեական գործում կտրուկ շրջադարձ տեղի ունենա, և ըստ այդմ՝ Առողջապահության նախարար Արսեն Թորոսյանը, որ առայժմ նշված գործում թեև կողմերից մեկն է, ու պիտի բաց հարցաքննվեր վկայի կարգավիճակում, դառնա մեղավոր անձանցից մեկն ու պատասխանատվության ենթարկվի՝ հանցագործության համար:
0Comments