Իրանի փոխնախագահ Մոհամմադ Ռեզա Արեֆը Ռուսաստանի վարչապետ Միխայիլ Միշուստինի հետ խոսել է սահմանների փոփոխության անթույլատրելիության մասին, փոխանցում է 24news-ը։
Մոհամմադ Արեֆը, մասնավորապես, պատրաստակամություն է հայտնել համագործակցել Մոսկվայի հետ «Զանգեզուրի միջանցքի» հարցում։
«Մենք ընդգծում ենք բոլոր ոլորտներում տարածաշրջանային համագործակցության ամրապնդման անհրաժեշտությունը մեր բարեկամ ՌԴ-ի հետ։ Նույնիսկ այնպիսի հակասական թեմաներում, ինչպիսին է՝ Զանգեզուրի տրանսպորտային միջանցքը։
Զանգեզուրի տրանսպորտային միջանցքով մենք պետք է աշխատենք ռուս բարեկամների հետ։ Ընդգծում ենք, որ սահմանի ցանկացած փոփոխություն իր հետ կբերի անկայունություն և հող կպատրաստի ոչ տարածաշրջանային տերությունների կողմից չարաշահումների համար»,- ընդգծել է Իրանի փոխնախագահը։
0Comments