ՀՀ վարչապետ Նիկոլ Փաշինյանի եւ ԵՄ արտաքին հարաբերությունների ու անվտանգության քաղաքականության հարցերով Բարձր ներկայացուցիչ Ֆեդերիկա Մոգերինի միջեւ բանակցությունների ժամանակ մենք որեւէ նախապայմանի մասին չենք խոսել։ Այս մասին NEWS.am–ի հետ զրույցում ասաց ՀՀ վարչապետ Նիկոլ Փաշինյանի մամուլի խոսնակ Վլադիմիր Կարապետյանը՝ պատասխանելով հարցին, թե ինչ նախապայմանի մասին է խոսվում Փաշինյան–Մոգերինի հանդիպման մասին ԵՄ տարածած մամուլի հաղորդագրությունում։
«Ես չեմ կարող մեկնաբանել, թե ինչ նախապայմանների մասին է խոսքը։ Իրենք միշտ սատարել են ԵԱՀԿ Մինսկի խմբի համանախագահության ֆորմատը, մենք էլ ենք սատարում այդ ֆորմատը։ Բանակցությունների ժամանակ մենք որեւէ նախապայմանի մասին չենք խոսել»,–նշեց նա։
Նշենք, որ մարտի 4-ին Բրյուսելում Նիկոլ Փաշինյանի աշխատանքային այցի շրջանակներում կայացել է ՀՀ վարչապետի եւ Ֆեդերիկա Մոգերինի հանդիպումը։ Ըստ Եվրամիության տարածած հաղորդագրության՝ նրանք քննարկել են հարցեր՝ կապված Ղարաբաղյան հակամարտության խաղաղ կարգավորման հետ՝ հաշվի առնելով Հայաստանի և Ադրբեջանի վերջին շփումները։ Մոգերինին ասել է, որ «սատարում է Նիկոլ Փաշինյանի՝ առանց նախապայմանների ամբողջական ներգրավվածությունը ԼՂ հակամարտության կարգավորման գործում»։
0Comments