Բելգորոդի մարզում արտակարգ իրավիճակների դաշնային ռեժիմ է մտցվել, հայտնում է ԱԻՆ մամուլի ծառայությունը Արտակարգ իրավիճակների կանխարգելման և արձագանքման կառավարական հանձնաժողովի արտահերթ նիստից հետո, գրում է ՌԻԱ Նովոստին։
«Հաղորդագրությունների ընթացքում ստացված տեղեկատվության համաձայն՝ առաջարկում եմ Բելգորոդի մարզում ստեղծված արտակարգ իրավիճակը դասակարգել՝ որպես դաշնային արտակարգ իրավիճակ, և սահմանել արձագանքման դաշնային մակարդակ»,- ասել է ԱԻՆ ղեկավար Ալեքսանդր Կուրենկովը։
Նա ընդգծել է, որ մարզում աշխատանքներ են տարվում տուժած բնակչությանը համակողմանի օգնություն ցուցաբերելու ուղղությամբ, սակայն տեղի ունեցողի մասշտաբները թույլ չեն տալիս մարզային իշխանություններին ինքնուրույն հաղթահարել հետևանքները։
Ինչպես հայտնի է, Կուրսկի, Բելգորոդի և Բրյանսկի շրջաններում գործում է հակաահաբեկչական գործողության ռեժիմ քաղաքացիների անվտանգությունն ապահովելու համար։ Այն ներդրվել է օգոստոսի 6-ին Ուկրաինայի զինված ուժերի ստորաբաժանումները Կուրսկի շրջանի տարածք ներխուժելուց հետո: Ուկրաինայի ԶՈւ առաջխաղացումը կասեցվել է։ ՌԴ ԶՈւ գլխավոր շտաբի պետ Վալերի Գերասիմովը հայտարարել է՝ «օպերացիան կավարտվի ուկրաինական ստորաբաժանումների ջախջախմամբ և պետական սահմանից հետշպրտմամբ»։
0Comments