Միացյալ Նահանգները դիվանագիտական վերջին ջանքերն է գործադրում, որպեսզի Միջազգային քրեական դատարանին խանգարի Իսրայելի վարչապետ Բենիամին Նաթանյահուի և իսրայելցի այլ պաշտոնյաների ձերբակալման օրդերներ տալուն, հաղորդում են իսրայելական լրատվամիջոցները:
Walla լրատվական կայքի վերլուծաբան Բեն Կասպիտը գրում է, որ Նաթանյահուն «սարսափելի սթրեսի մեջ է» Հաագայի ՄԱԿ-ի տրիբունալի կողմից նրա և այլ իսրայելցիների նկատմամբ ձերբակալության օրդերներ տալու հեռանկարից, ինչը լուրջ վատթարացում կլինի Իսրայելի միջազգային կարգավիճակի համար:
Իր հերթին, Haaretz-ի վերլուծաբան Ամոս Հարելը գրում է, որ Իսրայելի կառավարությունը ելնում է այն ենթադրությունից, որ Միջազգային քրեական դատարանի դատախազ Քարիմ Խանը կարող է այս շաբաթ Նաթանյահուի, պաշտպանության նախարար Յոավ Գալանտի և Իսրայելի պաշտպանության բանակի շտաբի պետ Հերցի Հալեվիի ձերբակալման օրդերներ տալ։
Միացյալ Նահանգները, որը Իսրայելի պես չի մտնում Միջազգային քրեական դատարանի Հռոմի կանոնադրությունը ստորագրած 124 երկրների թվում, արդեն ջանքեր է գործադրում ձերբակալության օրդերները կասեցնելու ուղղությամբ, ասել է Հարելը։
0Comments