Վենեսուելական ընդդիմության շատ կողմնակիցներ և նրանց կողմնակիցները Միացյալ Նահանգներում սպասում էին, որ Վենեսուելայի նախագահ Նիկոլաս Մադուրոյի ռեժիմն արագ կկազմաքանդվի՝ զինվորականների շրջանում նրա դիրքերի թուլացման ծրագրին Վաշինգթոնի աջակցությունից հետո, սակայն դա տեղի չունեցավ, հաղորդում է The Wall Street Journal-ը:
Վենեսուելայի ընդդիմության և խորհրդարանի առաջնորդ Խուան Գուայդոյի իրեն ժամանակավոր նախագահ հռչակելուց երեք շաբաթ անց Մադուրոն դեռևս վերահսկում է իրավիճակը երկրում, ինչը կասկածի տակ է դնում այս ծրագրի արդյունավետությունը, գրում է պարբերականը:
ԱՄՆ նախկին բարձրաստիճան պաշտոնյայի խոսքերով, Վաշինգթոնում ակնկալում էին, որ Մադուրոյի տապալումը «24 ժամյա գործողություն» է: Նա նշել է, որ ծրագրի հեղինակները ենթադրում էին, որ Հարավային Ամերիկայի երկրների և ԱՄՆ-ից կողմից Գուայդոյին աջակցություն հայտնելուց հետո, զինվորականները ևս կանցնեն ընդդիմադիր գործչի կողմը, որից հետո Մադուրոն կհեռանա:
Հարցումները ցույց են տվել, որ վենեսուելացիները չեն աջակցում Մադուրոյին, և նա ցանկացած պահի կարող է բախվել բնակչության բողոքի ակցիաներին, գրում է WSJ-ը: Սակայն, որքան երկար նա կառչի իշխանությունից, այնքան մեծ կլինի «երկարատև փակուղու» հավանականությունը, ինչը կմեծացնի առճակատման և տարածաշրջանային ճգնաժամի վտանգը:
0Comments