Հութիները 4 օրվա ընթացքում 4-րդ անգամ թիրախավորել են Իսրայելի օդանավակայանը
Եմենի հութիների «Անսար Ալլահ» շարժումը հունիսի 4-ի երեկոյան նոր ռազմական գործողություն է իրականացրել Իսրայելի «Բեն Գուրիոն» օդանավակայանի ուղղությամբ։ Այս մասին հայտնում է հութիներին պատկանող Al Masirah հեռուստաալիքը։
Սա հութիների կողմից 4 օրվա ընթացքում Իսրայելի օդանավակայանի 4-րդ թիրախավորումն է։
Հութիների պաշտոնական ներկայացուցիչ բրիգադային գեներալ Յահյա Սարին հայտարարության մեջ պարզաբանել է, որ Եմենի զինված ուժերը երկու անօդաչու թռչող սարքերով ռազմական գործողություն են իրականացրել «Յաֆֆա շրջանի Լոդ (Բեն Գուրիոն) օդանավակայանի դեմ»։ Նա ընդգծել է, որ գործողությունը «հաջողությամբ հասել է իր նպատակին»։
Սարին նաև ընդգծել է, որ հութիները կշարունակեն Իսրայելի դեմ գործողությունները «մինչև Գազայի դեմ ագրեսիայի դադարեցումը և պաշարման վերացումը»։
Իսրայելի պաշտպանության բանակն իր հերթին հայտարարել է, որ արևելքից արձակված անօդաչու թռչող սարք է որսացել: Երկրի մի քանի շրջաններում հնչել են օդային տագնապի ազդանշաններ։
Latest from Live24
- ՌԴ-Իրան համապարփակ ռազմավարական գործընկերության պայմանագիրը չի ներառում փոխադարձ ռազմական օգնության մասին դրույթ. Կրեմլ
- Ավարտվել է Բրյուսելում ՀՀ դեսպանության նոր շենքի գնման գործընթացը, գործարքի արժեքը կազմել է 4,3 միլիոն եվրո
- Թուրքիայի ՊՆ ղեկավարն ընդունել է Ադրբեջանի արտաքին հետախուզության ղեկավարին
- Իրանը «հավատարիմ է դիվանագիտությանը», բայց կշարունակի պատասխանել Իսրայելի հարվածներին
- ՌԴ-ն պատրաստ է ապահովել Իրանի շահերը խաղաղ ատոմի բնագավառում. Պուտին
- Խամենեիի սպանությունն աղետալի հետևանքներ կունենա. «Հեզբոլլահ»
- Telegram-ի միլիարդատեր հիմնադիրն իր 100-ից ավելի երեխաներին ժառանգությանը հասանելություն կտա միայն 30 տարի հետո
- Բուշերին հարվածելու մասին նույնիսկ ակնարկ չպետք է լինի․ «Ռոսատոմ»-ը Իսրայելի իշխանություններին
Լրահոս
Ֆոտո
