Սանկտ Պետերբուրգում շոուի ընթացքում ռուսական էստրադայի աստղ Ֆիլիպ Կիրկորովը, գտնվելով առնվազն երեք մետր բարձրության վրա, էլեկտրահարվել է։

Վերևից բեմ տպավորիչ իջնելու ժամանակ պիրոտեխնիկայից հրկիզվել է արտիստի կոստյումը։ Կիրկորովը թեև մի քանի անգամ բղավել է, սակայն կարողացել է ձեռքերում պահել մեծ խոսափողի տեսքով մտրակը։ Բեմում հայտնվելով՝ նա շարունակել է ելույթը, չնայած ձեռքն այրվածք է ստացել։

Պատահարը տեղի է ունեցել այն պահին, երբ արտիստի կոստյումից հրավառություն է արձակվել. ամենայն հավանականությամբ վնասվել է բաճկոնով անցնող լարերից մեկը։

Ինչպես հայտնել է արտիստի ներկայացուցիչ Եկատերինա Ուսպենսկայան, միջադեպի պատճառը տեխնիկական էր, իսկ երգիչն իրեն լավ է զգում։