Դատախազությունն ընդդեմ Եկեղեցու. պահանջում են պետությանը հանձնել 13-րդ դարի Ս. Աստվածածին եկեղեցին
Հուլիսի 03, 2025

Դատախազությունն ընդդեմ Եկեղեցու. պահանջում են պետությանը հանձնել 13-րդ դարի Ս. Աստվածածին եկեղեցին

Գլխավոր դատախազությունը փորձում է կյանքի կոչել իշխանությունների՝ Հայաստանյայց Առաքելական Սուրբ Եկեղեցուն պատկանող գույքերն ուսումնասիրելու և դրանք պետականացնելու հայտարարությունները:

NEWS.am-ին հայտնի դարձավ, որ դատախազության կողմից նախաձեռնվել է քրեական վարույթ և պետության շահերի պաշտպանության հայց է հարուցվել պետական սեփականություն հանդիսացող եկեղեցին Հայաստանյայց Առաքելական Սուրբ Եկեղեցուն նվիրելու կապակցությամբ:

Մասնավորապես գլխավոր դատախազությունը պահանջում է անվավեր ճանաչել Արագածոտնի մարզի Ապարանի տարածաշրջանի Եղիպատրուշ գյուղում գտնվող 13-րդ դարի առաջին քառորդին կառուցված Ս. Աստվածածին եկեղեցու նվիրատվությունը Հայաստանյայց Առաքելական Սուրբ Եկեղեցուն:

Այս կապակցությամբ դատախազությունը այս տարվա փետրվարին դիմել է ՀՀ վարչական դատարան՝ ընդդեմ Ապարան համայնքի ղեկավարի՝  դատարանից խնդրելով անվավեր ճանաչել Արագածոտնի մարզի Ապարան համայնքի ղեկավարի 2019թ․ ապրիլի 1-ի թիվ 131-Ա որոշումը և որպես հետևանք վերացնել Եղիպատրուշ բնակավայրի 8-րդ փողոցի 1-ին նրբանցքի թիվ 2 հասցեի նկատմամբ Եղիպատրուշ համայնքի անվամբ սեփականության իրավունքի գրանցումը, ինչպես նաև 2020թ․ հունիսի 9-ի անշարժ գույքի նվիրատվության պայմանագիրը և պայմանագրից ծագող Հայաստանյայց Առաքելական Սուրբ Եկեղեցու  սեփականության իրավունքի գրանցումը և գրանցամատյանի գրառումը:

Խոսքը 1208 թվականին Վաչե Վաչուտյան իշխանի նախաձեռնությամբ և ճարտարապետ Մխիթար Օշականցու կողմից կառուցված Սուրբ Աստվածածին եկեղեցու մասին է, որը ճանաչվել է համայնքի սեփականությունը և հանձնվել ՀԱԵ-ին:

Համաձայն Ապարան համայնքի ղեկավար Կարեն Եղիազարյանի  2019 թվականի ապրիլի 1-ի N 131Ա որոշման՝ Եղիպատրուշ գյուղի՝ համայնքային սեփականությունը հանդիսացող հողատարածքում 1208թ. և 1220թ.-ին համայնքի կողմից ինքնակամ կառուցված եկեղեցին ճանաչվել է որպես համայնքային սեփականություն, օրինական գույք:

Եկեղեցին սպասարկման տարածքով պետական գրանցում ստանալուց հետո հանձնվել է Հայաստանի առաքելական սուրբ եկեղեցուն:

Մինչդեռ՝ ըստ դատախազության՝ նշված եկեղեցին հանդիսացել է օտարման ոչ ենթակա և ընդգրկված է եղել պատմության և մշակույթի անշարժ հուշարձանների պետական ցուցակում:

Հիշեցնենք, որ վերջերս Ազգային ժողովի նախագահ Ալեն Սիմոնյանը սպառնացել էր հարկել Հայ Առաքելական եկեղեցուն՝ մասնավորապես վերանայել Եկեղեցուն վերաբերող՝ ավելացված արժեքի հարկից ազատված գործարքներն ու գործառնությունները: Իսկ «Քաղաքացիական պայմանագիր» խմբակցության պատգամավորները հայտարարել էին, որ ուսումնասիրում են եկեղեցուն պատկանող գույքը: ՔՊ խմբակցության քարտուղար Արթուր Հովհաննիսյանն օրինակ կարծիք էր հայտնել, որ Հայ Առաքելական եկեղեցու հաշվեկռշում կան հողեր, որոնք չեն օգտագործվում և կարող են օգտակար լինել պետությանը։

Rate this item
(0 votes)

Լրահոս

Ֆոտո

Միքայել արքեպիսկոպոս Աջապահյանի պաշտպանները հատուկ վերանայման բողոք են ներկայացրել ՀՀ վերաքննիչ քրեական դատարան

Մասնավորի համար սրճարան կառուցելը հանրային գերակա շա՞հ. Հոկտանյանը արձանագրում է՝ կոռուպցիոն ռիսկերի մասին

Վաղը և հուլիսի 5-ին մի շարք հատվածներում կդադարեցվի երթևեկությունը

Վարորդական վկայական ստանալու գործընթացում կներդրվեն արագացված ծառայություններ. ՆԳՆ

Շուտով կտեսնեք հավաքական լիդերությամբ միավոր. մենք արդեն բանակցություններ վարում ենք. Լևոն Զուրաբյան

Կտրիճ Ներսիսյանը պետք է րոպե առաջ ազատի Վեհարանը. Փաշինյան

Մայր Տաճարի զանգերը հնչեցվեցին, հավաքվածների թիվը չի գերազանցել 1,500-ը. Փաշինյան

Հուլիսի 1-ից ավտոմեքենաների տեխզննման համար գույքահարկ վճարելու պարտավորությունը հանվել է․ պատգամավոր

Դուբայում կայանալիք հանդիպումն ավելի շատ դատարկ երկխոսության իմիտացիա է լինելու. Արտակ Զաքարյան

Իրանում չեն բացառել Ադրբեջանի հետ հարաբերությունների վերանայումը

Սպասվում են կարճատև անձրևներ և ամպրոպներ, հնարավոր է կարկուտ. Եղանակը Հայաստանում

ԱՄՆ դատարանը կասեցրել է միգրանտների վերաբերյալ Թրամփի հրամանը. «Նախագահը գերազանցել է իր լիազորությունները»

«Շիշ նետողը». Աղազարյանն իր համար նոր մականուն առաջարկեց

Սրբուհի Գալյանը բացատրեց, թե ինչպես է լուծվելու Սահմանադրությունում Անկախության հռչակագրին հղում անելու հարցը

Իսրայելը գաղտնի բանակցություններ է վարում Ռուսաստանի հետ Իրանի և Սիրիայի հարցով․ լրատվամիջոց