ՆԱՏՕ-ում ԱՄՆ-ի դաշնակիցները իրենք պետք է զսպեն Ռուսաստանին. Պենտագոնի ղեկավար
ՆԱՏՕ-ում ԱՄՆ-ի դաշնակիցները իրենք պետք է ապահովեն իրենց պաշտպանական կարողությունները, այդ թվում՝ զսպելու Ռուսաստանին։
Այս մասին ԱՄՆ Կոնգրեսի Ներկայացուցիչների պալատի հատկացումների հանձնաժողովում կայացած լսումների ժամանակ ասել է Պենտագոնի ղեկավար Փիթ Հեգսեթը։
Նրա խոսքով, այս ամենին զուգահեռ ԱՄՆ-ը շահագրգռված է նաև իր ներկայության մեծացմամբ հնդխաղաղօվկիանոսյան տարածաշրջանում, այսինքն՝ Եվրոպայից դուրս։
«ՆԱՏՕ-ի մեր դաշնակիցները Ռուսաստանին զսպելու տնտեսական ուժ ունեն: Երբ մենք մեր ուշադրությունը տեղափոխում ենք Խաղաղ օվկիանոս, մենք ակնկալում ենք, որ ՆԱՏՕ-ի մեր դաշնակիցները ավելի շատ ռեսուրսներ կհատկացնեն պաշտպանությանը, որպեսզի ստեղծեն ուժեղ զսպող վահան Եվրոպայում», - ասել է Հեգսեթը:
Նշենք, որ հունիսի 5-ին Բրյուսելում ՆԱՏՕ-ի պաշտպանության նախարարների հանդիպումից հետո Փիթ Հեգսեթը հորդորել է դաշնակիցներին ընտելանալ այն մտքին, որ «Ամերիկան չի կարող և պարտավոր չէ միաժամանակ պաշտպանել բոլորին»։
Միաժամանակ նա նշել է, որ ՆԱՏՕ-ի անդամների ճնշող մեծամասնությունը համաձայնել է կատարել Վաշինգտոնի պահանջը՝ ազգային պաշտպանության ծախսերը հասցնել ՀՆԱ-ի 5%-ի։
Latest from Live24
- ՀՀ–ի տեսանկյունից շատ կարևոր է, թե որ երկրների օդային տարածքներն են օգտագործվել Իսրայելի հարձակման ընթացքում. Պետրոսյան
- Իրանի պատասխանը կարող է մի քանի անգամ ավելի ուժեղ լինել. Փույա Հոսեինի
- Times of Israel. Իրանից արձակված անօդաչու թռչող սարքերը Իսրայել կհասնեն առաջիկա ժամերին
- Իրանի, Իրաքի, Հորդանանի և Իսրայելի օդային տարածքները փակվել են
- Նաթանզի միջուկային օբյեկտի վրա հարձակումից հետո ճառագայթման մակարդակը նորմայի սահմանում է
- Իրանը 100-ից ավելի ԱԹՍ է արձակել. Իսրայելը ստորգետնյա հիվանդանոցներ է պատրաստում
- Իսրայելի ավելի քան 200 ինքնաթիռ մասնակցել է Իրանի վրա առավոտյան հարվածներին
- Իսրայելը հարձակվել է իրանական Բանդար Աբբաս քաղաքում գտնվող ռազմածովային բազայի վրա․ Տեսանյութ
Լրահոս
Ֆոտո
