Սա այօրվա թերևս ամենից խոսուն պատկերն է: Նկարում երևում է սպիտակ վերնաշապիկով ու մոխրագույն փողկապով մի քպ-ական պաշտոնյա, որ շատ նման է ԿԳՄՍ նախկին նախարար, կառավարության աշխատակազմի ղեկավար, իսկ ըստ որոշ մեկնաբանների՝ նաև որոշակի հարցերում Փաշինյանի «հուշարար» (չենք ուզում վիրավորել կարդինալ Ռիշելիեի երկրպագուների զգացմունքները՝ «գորշ կարդինալ» բառակապակցությունը գործածելով) Արայիկ Հարությունյանին:

Նա կառավարության շենքի վերին հատվածից հետևում է «Տավուշը՝ հանուն Հայրենիքի» շարժման այսօրվա բողոքի ակցիային: Այն շարժման, որն ըստ Արայիկ Հարությունյանի կուսակիցների ու քպ-ական ֆեյքերի՝ «մարել է»:
Հարությունյանը հրապարակին է նայում հազարավոր ոստիկաններով պաշարված կառավարության շենքից:
Իսկ մի ժամանակ մետրոյաով էին, իբր, երթևեկում:

 zham.am 

Հունիսի 1-ին Հանրապետության հրապարակում նախատեսված «Փայլոու» մանկական մյուզիքլի անցկացմամբ պայմանավորված՝ մայիսի 31-ի ժամը 20:30-ից մինչև հունիսի 1-ի ժամը 24:00-ն կփակվի Ամիրյան փողոցից Տիգրան Մեծ պողոտա ուղղությունը:

Հանրապետության հրապարակ հասած տրանսպորտային հոսքերը ճանապարհը կարող են շարունակել միայն աջ դարձով՝ դեպի Վազգեն Սարգսյան փողոց: Հետադարձ ուղղությամբ՝ Վազգեն Սարգսյան փողոցից Հանրապետության հրապարակ մտնող հոսքերի համար երթևեկության սահմանափակում չի լինի: 

Հունիսի 1-ին՝ ժամը 18:00-ից մինչև 24:00-ն, Հանրապետության հրապարակի տրանսպորտային մուտքերը կփակվեն ամբողջությամբ:

Այդ ժամանակահատվածում Ամիրյան փողոցով անցնող ավտոբուսային հ. 22, 44, 54, 58, 97 և միկրոավտոբուսային հ.75 երթուղիները Մաշտոցի պողոտայից կշահագործվեն Գր. Լուսավորչի, Ագաթանգեղոսի փողոցներով Տիգրան Մեծի պողոտա և գործող ուղեգծով:

Ավտոբուսային հ. 33, 67 երթուղիները Մաշտոցի պողոտայից կշահագործվեն Ամիրյան, Զաքյան, Խորենացու, Ագաթանգեղոսի փողոցներով Տիգրան Մեծի պողոտա և գործող ուղեգծով:

 Ալեն Սիմոնյանն էտքան չկա, որ իրան անդրադառնամ. Սրբազան

«Վաղը ժամը 10։00-ին այստեղ սպասելու եմ ձեզ ու բոլորին, ովքեր դիտում են եթերը։

Գնալու եմ մեր կարևոր հաստատություններից մեկը այցելության, բայց չեմ ասի՝ որը»,- Սուրբ Աննա եկեղեցու բակում հայտարարեց Բագրատ Սրբազանը՝ խոսելով վաղվա անելիքների մասին։ Նա չցանկացավ փակագծեր բացել․ «Մի հատ պիտի բարև տամ, երկու խոսք փոխանցեմ։

Ղեկավարին չենք ասելու՝ իջի, կտեսնենք՝ ինչպես կընթանա, բայց հստակ ուղերձ կա, շատ կարևոր»,- հավելեց նա։

Մայր Աթոռ Սուրբ Էջմիածնի աշխարհասփյուռ միաբանությունն իր վրդովմունքն է հայտնում սույն թվականի մայիսի 28-ին Հանրապետության տոնի առթիվ Վեհափառ Հայրապետի այցը Սարդարապատի հուշահամալիր խոչընդոտելու ՀՀ ոստիկանական ուժերի գործողության վերաբերյալ:

Սարդարապատի հուշահամալիրում Ամենայն Հայոց կաթողիկոսի և եկեղեցականների նկատմամբ դրսևորված ամոթալի ու դատապարտելի գործելակերպը հարված է Հայոց պետականության հիմերին, պետության հեղինակությանը ու ազգային արժանապատվությանը:

Հայոց Եկեղեցու առաքելությունը միշտ ուղղված է եղել Հայոց անկախ պետականության վերակերտմանը և պետության զորացմանը: Հետևաբար, անընդունելի և մերժելի են Հայոց եկեղեցին հայրենի պետությանը հակադրելու բոլոր չարամիտ փորձերն ու գործողությունները:

Մեր պահանջն է ՀՀ իշխանություններից՝ անդրադառնալ և սրբագրել իրենց օրինազանց ընթացքը, դադարեցնել Հայ Եկեղեցու սրբազան առաքելության ճանապարհին արհեստական խոչընդոտներ հարուցել:

Աղոթում ենք Երկնավոր Տիրոջը, որ խաղաղության մեջ պահի Հայոց աշխարհը և վերահաստատի համերաշխությունը մեր ժողովրդի զավակների կյանքում:

Աշոտ ջան, որտե՞ղ է եղել «ճակատամարտը»․

Բագրատ սրբազանն՝ Աշոտ Սիմոնյանին

Վաղը Ժամը 10:00-ին Սուրբ Աննա եկեղեցու բակում սպասում եմ ձեզ, գնալու ենք մեր հաստատություններից մեկը այցելության, բայց չեմ ասի` որ մեկը:

Այս մասին Սուրբ Աննա եկեղեցու բակում հայտարարեց  Բագրատ Սրբազանը չնշելով, թե կոնկրետ որ պետական մարմին են այցելելու:

«Շատ կարեւոր հաստատություներից մեկին ենք այցելելու, տեսնելու երկու խոսք փոխանցելու:  Գնալու ենք Քանաքեռ կամ Հարավարեւմտյան թաղամաս: Ժողովուրդ ջան, ինչ –որ ասում եմ լսեք, վաղը կասեմ այստեղ, թե ուր ենք գնում, մի քանի օպեր կա հանդիպելու, թող իմանան»,-ասաց նա:

«Մեր հայորդիներն այսօր ապացուցեցին, որ Փաշինյանը կարող է աշխատանքի գնալ միայն մեր համաձայնությամբ ու չի կարող հանգիստ նստել այդ շենքում, այլ պետք է տենց ճողոպրի»,- Սուրբ Աննա եկեղեցու բակում հայտարարեց պատգամավոր Գառնիկ Դանիելյանը՝ հավելելով․ «Եթե խնդիր ենք դնում, հասնում ենք մեր նպատակներին»։

Հիշենենք, որ առավոտից «Տավուշը հանուն հայրենիքի» շարժման մասնակիցները կառավարության մոտ անհնազանդության ակցիա էին անում, շրջափակել էին մուտքերը։ Ավելի ուշ պարզ էր դարձել, որ Փաշինյանը մեկ այլ մուտքով դուրս է եկել շենքից։