Կիրանցում նոր ճանապարհը կառուցելուց և ամբողջական սահմանազատումն ավարտելուց հետո իմ այգուց սահմանը հեռու է լինելու մաքսիմում 50 մետր:

Այս մասին ֆեյսբուքյան իր էջում գրել է Կիրանցի բնակչուհի Գոհար Վարդանյանը:

«Որոշել եմ իմ այգում փոքրիկ սրճարան, գրադարան կամ նմանատիպ ինչ որ բան կառուցել, և առաջին հերթին հրավիրել բոլոր այն մարդկանց (իրենց երեխաների հետ) ովքեր մեզ այս օրերին համոզում էին, որ պետք է ուրախ լինենք, որ 50 մետր էն կողմ Ադրբեջան է»,- գրել է նա:

«Փաստ» օրաթերթը գրում է.

Իրանի արտաքին գործերի նախարարի պաշտոնակատար Ալի Բաղերի Կանին և ՌԴ ԱԳՆ հատուկ ներկայացուցիչ Իգոր Խովաևը Թեհրանում կայացած բանակցություններում քննարկել են իրավիճակը Հարավային Կովկասում և դեմ արտահայտվել տարածաշրջանի գործերում արտաքին խաղացողների միջամտությանը: Բաղերի Կանին ասել է, որ «կովկասյան տարածաշրջանի գործերին արտաքին միջամտության աճը պահանջում է ռազմավարական համակարգում և մշտական խորհրդատվություն Իրանի և Ռուսաստանի պաշտոնյաների միջև»:

Այս առումով, նրա խոսքով, «կարևոր է առավելագույնս օգտագործել տարածաշրջանային մեխանիզմների ներուժը, ինչպիսին է «3+3» հարթակը (Ադրբեջան, Հայաստան, Վրաստան, Իրան, Ռուսաստան և Թուրքիա)՝ արձագանքելու համար տարածաշրջանի առջև ծառացած մարտահրավերներին»։ Թեմային անդրադարձել է Հանրապետության հրապարակ տելեգրամյան ալիքը՝ նշելով, որ փաստացի Մոսկվայի և Թեհրանի մեսիջն է Փաշինյանին՝ ՀՀ-ն չդարձնել Արևմուտքի հակառուսական և հակաիրանական պլացդարմ, իսկ Հարավային Կովկասի խնդիրների լուծումը գտնել ռուսական և իրանական գեոպոլիտիկ շահերը հաշվի առնելով:

«ՌԴ-ն և Իրանը տասնամյակներ շարունակ եղել են ՀՀ-ի ռազմավարական դաշնակիցները՝ ռուսական և իրանական շուկաները կարևոր են հայկական տնտեսության համար, ՀՀ-ի էներգետիկ անվտանգությունն ապահովում են ՌԴ-ն և Իրանը: ՀՀ-ն պետք է դիվերսիֆիկացնի իր արտաքին կապերը՝ զարգացնելով հարաբերությունները նաև Արևմուտքի, Հնդկաստանի հետ, սակայն ոչ ի հաշիվ ռուսական և իրանական ուղղությունների:

ՌԴ-ն և Իրանն երբեք թույլ չեն տա, որպեսզի ՀՀ-ն դառնա ՆԱՏՕ-ի անդամ կամ իր տարածքում տեղակայի արևմտյան ռազմաբազաներ: Այսպիսով, ՀՀ-ի արտաքին քաղաքական դիվերսիֆիկացիան չպետք է Հայաստանը դարձնեն գերտերությունների «proxy war»-ի թատերաբեմի»,-գրում է հեղինակը:

Սահմանազատման գործընթացը որպես աղետ են ներկայացնում, բայց մարդիկ ուզում են, որ լինի դա. Փաշինյան.

Տեսանյութ

Անընդհատ ճնշում ենք մարդկանց. մազը սենց կտրեց, շորը էս գույն հագավ, դրա համար էլ արտագաղթում են. Փաշինյան.

Տեսանյութ

Հայաստանի անցումը ԱՄՆ-ի և ՆԱՏՕ-ի «հովանոցի» տակ անհնարին կդարձնի Ռուսաստանի Դաշնության հետ և ՀԱՊԿ-ի շրջանակներում միասնական պաշտպանական տարածքի պահպանումը։

Այս մասին «Կոմսոմոլսկայա պրավդային» տված հարցազրույցում ասել է ՌԴ փոխարտգործնախարար Միխայիլ Գալուզինը։

«Անվտանգության ոլորտում Հայաստանի ինքնիշխանության հետագա քայքայումը և ԱՄՆ-ի ու ՆԱՏՕ-ի «թղթե հովանոցի» տակ արևմտյան օրինաչափությունների անցումը պարզապես անհնարին կդարձնի Ռուսաստանի հետ և ՀԱՊԿ-ի շրջանակներում միասնական պաշտպանական տարածքի պահպանումը»,- ասել է Գալուզինը։

«Մեր կողմից մենք բազմիցս տարբեր մակարդակներով հստակ հայտնել ենք մեր պատրաստակամությունը՝ քննարկելու Երևանին հուզող հարցերը», - հավելել է Գալուզինը:

Նիկոլն իրեն քուչի գյադու պես է պահում. ՔՊ-ն հակասահմանադրական քայլ է անում. ՀԱԿ փոխնախագահ Լևոն Զուրաբյան.

Տեսանյութ

Պատմաբան, խմբագիր Վահե Սարգսյանի ֆեյսբուքյան գրառումը․ «Մանդատների խնդիրը

Բազմիցս ասվել է դրա իրավաքաղաքական հետևանքների մասին, և այստեղ դա չենք քննարկելու:

Արդեն տեղյակ եք, որ Սրբազանը երեկ թե՛ Եռաբլուրում, թե՛ առավել դետալային կերպով հանրահավաքի ժամանակ, շատ կոնկրետ ու վերջնական ասել է ու փակել հարցը:

Կարծում եմ՝ առանձնապես կարիք էլ չկար բացելու փակագծերն առ այն, որ տվյալ խնդիրը արդեն ոչ միայն զուտ ֆրակցիաների ներքին հարցն է, այլ սինխրոնիզացված է Սրբազանի քայլերի ու ընդհանուր պայքարի տրամաբանության հետ, ինչը, ի պատիվ նաև ֆրակցիաների, թե՛ ողջունելի է, թե չափազանց կարևոր:

Բայց Սրբազանի՝ տվյալ խնդրին ևս մի անգամ ու վերջնական անդրադարձը շատ կարևոր էր նաև մի առումով. նրանք, ովքեր Սրբազանի գլխավորած Շարժման կողմնակիցն են իրենց համարում, ապա նվազագույնը պետք է լինի այն, որ իրենց կողմից այս թեման կամ համարվի փակված, կամ քննարկվի այլևս կուլիսներում միայն, այլ ոչ հանրային հարթակներում:

Ու եթե այսքանից հետո նրանք չեն հարգի Սրբազանի խոսքն ու հորդորը և նորից կշարունակեն հանրայնորեն քննարկել այս թեման, ինչը միանգամայն իրենց իրավունքն է, ապա իրենք կա՛մ ֆեյսբուքում ինչ-որ «սրամիտ» բանով աչքի ընկնելու մոլուցք ունեն (հետևաբար՝ անլուրջ մարդիկ են), կա՛մ կոնկրետ միտում՝ այդ հարցը արհեստականորեն շահարկելու:
Երկու դեպքում էլ իրենք իրենց են վնասում»:

Աղբյուրը` Վահե Սարգսյան

«Ինչո՞ւ «Սրբազան» պայքարում ակտիվ ներգրավվածություն չունեք, ինչո՞ւ չեք մասնակցում շարժման հավաքներին»,- դիմելով ԱԺ «Հայաստան» խմբակցության պատգամավոր Լևոն Քոչարյանին՝ հարցրին լրագրողները․ «Հենց առաջին օրվանից այս շարժումը փորձել են կապել մեզ հետ, հորս անունն է անընդհատ հնչեցվել, որը ճիշտ չէ, չի համապատասխանում իրականությանը։

Առաջին հանրահավաքին մասնակցեցի, ինչ-որ նկարներ հրապարակեցին՝ իրենց սիրելի մեկնաբանություններով, թե իբր ախրանիկներով եմ եկել, բայց բոլորդ գիտեք, որ ես ախրանիկներ չունեմ։

Այնպես որ, այս ամենը հաշվի առնելով, շարժմանը չվնասելու համար ակտիվ չեմ մասնակցում»,- պատասխանեց Լևոն Քոչարյանը։

«Սրբազան պայքար» թելեգրամյան ալիքը հայտնում է. «Ծանոթացեք, Իրինա Մկրտչյանն է՝ Հանրային հեռուստաընկերության եթերով ժողովրդին սուտ ու կեղծիք «կերակրողը»։

Կատարելով մարդու որդու պատվերը՝ երկու օր առաջ խայտառակ տեսանյութ է պատրաստել Սրբազան պայքարի և նրա առաջնորդ Բագրատ Սրբազանի մասին։ Նյութի վերնագիրն արդեն իսկ խոսում է այս գրչակի բարոյական նկարագրի մասին։ Այստեղ խոսելու բան էլ չկա։

Պարզապես ցանկանում ենք, որպեսզի մարդիկ շատ լավ իմանան, թե ով ով է մեր երկրում։ Ոչ ոքի չենք խնայելու։ Բոլորի մասին ասելու ենք ճշմարտությունը, միայն ճշմարտությունը և ոչինչ բացի ճշմարտությունից»։

Մամուլի ազատությունը պաշտպանող International Press Institute -ը (IPI) խիստ անհանգստություն է հայտնել հունիսի 12-ին վարչապետ Նիկոլ Փաշինյանի հրաժարականի պահանջով բողոքի ցույցերը լուսաբանելիս ավելի քան 10 հայ լրագրողների՝ ոստիկանական ուժերի կողմից վնասվածքներ հասցնելու առնչությամբ:

«Մենք կոչ ենք անում շտապ և մանրակրկիտ հետաքննել այս միջադեպերը, ինչպես նաև կոչ ենք անում Հայաստանի իշխանություններին ապահովել անվտանգ աշխատանքային միջավայր բոլոր լրատվամիջոցների աշխատակիցների համար», – նշվել է հայտարարությունում։ Ըդգծվել է, որ վնասվածքներ են ստացել ABCmedia.am-ի, News.am-ի, Civilnet-ի, Armlur-ի, Mediahub.am-ի աշխատակիցները։

«Իշխանությունները պետք է անհապաղ, մանրակրկիտ և անաչառ հետաքննություն իրականացնեն հունիսի 12-ի իրադարձությունների վերաբերյալ: Անկախ ցույցերի բնույթից՝ իրենց աշխատանքը կատարող լրագրողների նկատմամբ ցանկացած չափից ավելի ուժի կամ բռնության կիրառումն անընդունելի է: Յուրաքանչյուր ոք, ով պատասխանատու է ավելորդ ուժի կիրառման համար, պետք է պատասխանատվության ենթարկվի»:

IPI-ի փոխտնօրեն 

Սքոթ Գրիֆենը