Գալստանյանը փորձում է կրկնօրինակել Փաշինյանին, միևնույն ժամանակ նա ճշգրիտ ձևով կրկնում է նախկին տասնամյակներում ընդդիմության արած բոլոր սխալները։

Այս մասին թելեգրամյան իր ալիքում գրել է ՀՀ ԱԺ նախագահ Ալեն Սիմոնյանը։

«Ի դեպ, նկատե՞լ եք, որ ընդդիմության նոր շարժումը ամեն կերպ սկսել է խուսափել Արցախի մասին խոսելուց, Արցախի դրոշները վերացել են հավաքներից և նույնիսկ, եթե դրանք մերթ ընդ մերթ հայտնվում են, շատ արագ հեռացվում են, նույնիսկ Բ.Գալստանյանի կարգախոսը, ով իր եկեղեցական գործունեությունը սառեցրել է, շատ ավելի տրամաբանական կլիներ, որ հնչեր Հայ, Հայաստան, հայրենիք և Արցախ, բայց դրա փոխարեն ընտրվել է Աստված բառը:

Հիմա էն ընդդիմությունը, որը մեզ մեղադրում էր Արցախն ուրանալու մեջ, ինքն Արցախի իր օրակարգից բան չի թողել:

Չնայած նենց չի, մեծ հաշվով, որ նոր օրակարգ է բերել, մի քանի խոսքով օրակարգը՝ «վայ, գլխիդ ձյուն գա, սա չակնկալիքների պայքարա, բայց ակնկալում ենք հանդիպում, մենք սև չենք, սպիտակ ենք՝ սպիտակ շորերով, բայց հիմա մանուշակագույն ենք, թաթիկս պաչի, եկեք աղոթենք»:

Հիրավի, անխոցելի օրակարգ է )))

Մի զավեշտ էլ այն է, որ Բ.Գալստանյանը մաքսիմալ փորձում է կրկնօրինակել 2018 թվականի արածները և ասածները՝ կարծելով, թե հեղափոխությունը, իշխանափոխությունը LEGO կոնստրուկտոր ա. պետք է միայն ճիշտ մասերը իրար կպցնես և կստանաս այն, ինչ ուզում ես: Բայց դա էլ հեչ, ախր, բացի նրանից, որ Բ.Գալստանյանը փորձում է կրկնօրինակել Փաշինյանին, միևնույն ժամանակ նա ճշգրիտ ձևով կրկնում է նախկին տասնամյակներում ընդդիմության արած բոլոր սխալները:

Մեկ ասում է ռեժիմը խուճապի մեջ է, էլ մարդկանց Երևանի փողոցներով զբոսանքի տանում, վիրավորում ոստիկաններին, խոստումներ տալիս, ոգևորվում, ոգևորում և անելանելիությունից ծիծաղում, որ կողքինները մտածեն՝ մի բան գիտի երևի)) այնքան ծանոթա էս, ասելու չի:

Հ.Գ. Հայաստանի վարչապետի պաշտոնի Չակնկալիք ունեցող մարդը պետք է նախ հրաժարվի Կանադայի քաղաքացիությունից, այլ ոչ թե վեղարից, չնայած կաթողիկոս դառնալու համար, եթե չեմ սխալվում, այլ երկրի քաղաքացի լինելը չի խանգարում»,-գրել է Սիմոնյանը։

Փախե՞լ է շենքից, վայ ձյուն գա գլխիդ, ամոթ, ես իր տեղը լինեի՝ ինձ կսպանեի. Բագրատ Սրբազան 

Զզվում եմ ձեզնից. Ոստիկանության Կոտայքի մարզային վարչության պետը՝ լրագրողին. Տեսանյութ

ԱՄՆ դոլարի փոխարժեքն այսօր՝ մայիսի 30-ին, կազմել է 388.32  դրամ՝ նախորդ օրվա համեմատ աճելով 0.82 դրամով: Այդ մասին տեղեկանում ենք Կենտրոնական բանկի պաշտոնական կայքից։

Եվրոյի փոխարժեքը կազմել է 420.01 դրամ (նվազել է 0.31 դրամով), բրիտանական ֆունտի փոխարժեքը կազմել է 493.55  դրամ (նվազել է 0.36 դրամով), իսկ ռուսական ռուբլու փոխարժեքը կազմել է 4.32 դրամ (մնացել է անփոփոխ):

 Հայաստանյան բանկերում դոլարը գնվում է 384-385.5  դրամով, վաճառվում է 390-392 դրամով:

 Եվրոն բանկերում գնվում է 411-418.5 դրամով, վաճառվում է 421-428 դրամով:

Ռուբլին բանկերում գնվում է 4.02-4.28 դրամով, վաճառվում է 4.34-4.56 դրամով:

Փոխանակման կետերում իրավիճակը հետևյալն է.

դոլարը գնվում է 386 դրամով, վաճառվում՝ 389 դրամով:

Եվրոն գնվում է 418 դրամով, վաճառվում է 422-423 դրամով:

Ռուբլին գնվում է 4.25 դրամով, վաճառվում է 4.33 դրամով:

Ասում ա՝ ինքը խաշլամա չի՞ ուտում, ես ձեր կերած խաշլաման չեմ ուտում, իմն ուրիշ է. Սրբազան

Հայաստանում տեղի ունեցող իրադարձություններն արդեն պարզ են նույնիսկ նրանց համար, ովքեր նախկինում ինչ-որ պատրանքների էին տրվում. այս մասին թելեգրամյան ալիքում գրել է Պետդումայի ԱՊՀ գործերով, եվրասիական ինտեգրման և հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը։

«Այսօր Հայաստանում Փաշինյանի իշխանությունը հիմնված է երկու բանի վրա՝ բռնաճնշումների, որոնք կապված են մեծ թվով իրավապահների ներկայության հետ, և այն վախի վրա, որ նրանք փորձում են սերմանել հայ ժողովրդի մեջ՝ «եթե չլինի Փաշինյանը, կլինի պատերազմ», - գրել է Զատուլինը։

Օրերս պատգամավորը, անդրադառնալով Հայաստանում սկիզբ առած բողոքի ակցիաների ալիքին, նշել էր, որ վերջնարդյունքը կախված կլինի ցուցարարների գործողություններից և իրավապահների՝ վարչապետ Նիկոլ Փաշինյանին աջակցելու պատրաստակամությունից:

Նա նշել էր, որ Փաշինյանը փորձելու է թույլ չտալ, որ «Տավուշը հանուն հայրենիքի» շարժումը իշխանության հասնի՝  օգտագործելով այն նույն մեթոդները, որոնք ինքն է կիրառել մի քանի տարի առաջ։

«Այս շարժումը սկսվել է այն պահից, երբ ծագել է գյուղերն Ադրբեջանին փոխանցելու խնդիրը։ Իհարկե, սա վերջին կաթիլը դարձավ նրանց համար, ովքեր որոշել են մասնակցել այս ամենին։ Մինչև վերջ պարզ չէ, թե ինչ սահմաններում են վարչապետն ու նրա համախոհները պատրաստ բռնություն կիրառել: 2018 թվականին նա ինքն է իշխանության եկել հենց այսպես՝ ցույցեր կազմակերպելով, որոնք չեն ճնշվել, և կարգուկանոնի հաստատման ցանկացած փորձ այն ժամանակ համարվել է հանցագործություն ժողովրդավարության դեմ։ Այսօր նա ամբողջովին փոխել է իր դեմքը։ Այն, ինչ իրեն թույլ էր տրվել 2018 թվականին, նա չի ցանկանում ուրիշին թույլ տալ 2024 թվականին», - ասել էր Զատուլինը:

Այսօր՝ ժամը 12:00-ին ՀՀ վարչապետ Նիկոլ Փաշինյանն ասուլիս է հրավիրել:

Մի շարք լրատվամիջոցներ հրաժարվել են մասնակցել և լուսաբանել այն:

Այդ լրատվամիջոցներն են՝ «Իրականում», «Նյուդեյ», «Երկիր», «Արմդեյ», «Փաստ», «Պանորամա», «Գոլոս Արմենիի», «Անտիֆեյք», «Հրապարակ»:

Ցանկը համալրվում է։

«Հայրենիք» կուսակցության անդամ Բաբկեն Հարությունյանի ֆեյսբուքյան գրառումը. 

«Բագրատ Սրբազանը ընդամենը մի քանի օրում կարողացավ հասարակական այնպիսի տրամադրություններ գեներացնել, որ Նիկոլը ստիպված շտապ ասուլիս է հրավիրել, որպեսզի փորձի դիմացն առնի։

Ակնհայտ է, որ իշխանական քարոզչամեքենան չի կարողանում շարժմանը դիմադրել, ստիպված Նիկոլն է իրա վրա վերցնում այդ պրոցեսը։

Երկրում քաղաքական ճգնաժամ է»։

Կիրանցում չափագրման աշխատանքները շարունակվում են, մեծ թվով ոստիկանական ուժեր կան գյուղում: Այս մասին այսօր` մայիսի 7-ին, NEWS.am-ին հայտնեցին Կիրանցի բնակիչները:

«Անորոշության մեջ ենք, հուսահատված, չգիտենք` ինչի սպասենք: Հիմա հավաքվել ենք գյուղի մեջ, հետևում ենք աշխատանքներին, բայց ոստիկանները գյուղացիներից շատ են»,-ասաց գյուղի բնակիչներից մեկը:

«Գյուղը չէինք կարող անտեր թողնել, մեր երեխեքին ո՞նց մենակ թողնեինք»,-ասաց նա` պարզաբանելով, թե ինչու՞ գյուղի մի մասը դեպի Երևան երթին չի մասնակցում:

Կիրանցիների խոսքով, թեև գյուղում իրավիճակը դեպի դրականը չի փոխվել, ծնողներն արդեն երեխաներին դպրոց են ուղարկում:

Հիշեցնենք, որ Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:

ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:

Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։ Իսկ

Չնայած այդ ամենին` հայաստան–Ադրբեջան սահմանին արդեն շուրջ 40 սահմանային սյուն է տեղադրվել:

Երկու օր շարունակ Կիրանցի մուտքն արգելափակված էր, միայն գյուղի բնակիչներին էին թույլ տալիս ելումուտ անել, ընդ որում` անձնագրով։ Կիրանց չէին թողնում անգամ Տավուշի թեմի առաջնորդ Բագրատ սրբազանին, «Հայաստան» խմբակցության պատգամավոր Գառնիկ Դանիելյանին և լրագրողներին։ Ոստիկանությունը մեծաքանակ ուժեր էր կենտրոնացրել այդ հատվածում։

Կիրանց տանող ճանապարհը բացվեց մայիսի 3-ին։