Մեր տները լաց բերեցիք, չեք մարսելու.

Կիրանցի կին

Մանրամասները՝ տեսանյութում

ԱԺ ընդդիմադիր պատգամավոր Գառնիկ Դանիելյանի ֆեյսբուքյան գրառումը. «Կիրանցում ոստիկանության կողմից այս պահին իրականցվում է «Օղակ» օպերացիա: 

Ոստիկանության ուժերը փակել են գյուղի մուտքերը:

Մեծաքանակ ոստիկանականներ լցվել են գյուղ: 

Ականազերծման աշխատանքներին խոչընդոտող գյուղացի տղամարդիկ վայրենի կերպով բերման են ենթարկվել:

Բերման ենթարկվածնեուի մեջ կան նաև անչափահասներ:

Այս պահին գտնվում եմ Իջևանի ոստիկանության բաժնում, որտեղ բերման է ենթարկվել 2 տասնյակից ավել քաղաքացի»:

Գառնիկ Դանիելյան

Ոստիկանական մեծաթիվ ուժեր են կենտրոնացվել Տավուշի մարզի Կիրանց գյուղում: Նրանք բերման են ենթարկել ճանապարհը փակած տղամարդկանց:

Այս պահին գյուղում իրավիճակը լարված է: Բնակիչներն ասում են, որ շուրջ 30 հոգու բերման են ենթարկել:

Բնակիչ կանայք բորբոքված պատմում են, թե ինչպես են բերման ենթարկել տղամարդ բնակիչներին. «Ես մինչեւ հասա, արդեն սաղ տղերքին հավաքել էին տարել: Անչափահաս երեխեքին էլ են հավաքել, տարել: Էսքան զորք են բերել, վաղը, որ թուրքը գա, տեսնենք էս զորքը ստեղ կանգնելո՞ւ է: Կարո՞ղ է ես էստեղ երեխա պահեմ, թող իրենք գան, ապրեն»:
Գյուղապետ Կամո Շահինյանն էլ է այստեղ, ով ավելի ուշ է եկել: Նա ասաց. «Ականազերծման համար են ճանապարհ բացել, սակրավորների համար»:

Մեկ այլ; բնակիչ էլ ասաց. «15 հոգու համար մի ամբողջ զորք ն բերել: Սրանք ազգի թշնամի են, եկել են հող են տալիս, ո՞ւմ հողն եք տալիս, արա: Ամոթ ձեզ, թքել եմ սաղիդ վրա, գետինը մտնեք: Ո՞վ է Փաշինյանը, ինքն ո՞վ է, մենք տենց մարդ չենք ճանաչում: Ծեծելով մարդկանց գցեցին ավտոները տարան»:

ՀՀ պաշտպանության նախարարությունը Հայաստան-Ադրբեջան պետական սահմանի Տավուշի մարզի Կիրանց գյուղի և Ադրբեջանի հանրապետության Ղազախի շրջանի Խեյրեմլի գյուղի հատվածում իրականացնում է ականազերծում, պետական սահմանի տվյալ հատվածի վերարտադրության նպատակով Հայաստանի Հանրապետության և Ադրբեջանի Հանրապետության փորձագիտական խմբերի կողմից գեոդեզիական չափումների հիման վրա՝ կոորդինատների ճշգրտման աշխատանքների իրականացումը ապահովելու համար: Այս մասին տեղեկացնում են ՀՀ ՆԳՆ-ից:

ՀՀ ՆԳՆ ոստիկանությունը ականազերծման գոտիներում իրականացնում է ուժեղացված ծառայություն, ականապատ գոտիներ քաղաքացիական անձանց մուտքը թույլ չտալու և նրանց անվտանգությունն ապահովելու համար:

Նշենք, որ վաղ առավոտյան ոստիկանական մեծ ուժեր են ժամանել Կիրանց գյուղ: Նրանք բիրտ ուժ կիրառելով բերման են ենթարկել 31 քաղաքացու: Գյուղում այս պահին լարված վիճակ է: Բնակիչներն ասում են, որ բերման են ենթարկել նաեւ անչափահասների: Փակ են գյուղ տանող ճանապարհները:

Կիրանցի գյուղապետ Կամո Շահինյանի խոսքով, առավոտյան ժամը 6-ի սահմաններում ոստիկանները մտել են գյուղ, ու մոտ 30 անձի` այդ թվում նաև անչափահասների, ծեծելով բերման ենթարկել:

Գյուղապետի խոսքով, տղամարդիկ բերման են ենթարկվել այն հատվածից, որտեղ հերթապահություն էին իրականացնում, որպեսզի թույլ չտան գյուղում ականզերծման աշխատանքներ իրականացնել:

Բերման ենթարկվածները Իջևանի ոստիկանության բաժնում են:

«Ես հիմա Իջևանում եմ, տղաներին տեսել եմ, բայց դեռ ոստիկանները պարզաբանում չեն տվել»,-ասաց գյուղապետը հավելելով, որ դեռ ոչ ոքի չեն դիմել, սպասում են ոստիկանության պատասխանին: Գյուղապետը նշեց, որ բերման ենթարկվածների մեջ կանայք չկան: Կանայք շարունակում են փակ պահել ճանապարհը, սակայն կասկածներ ունի, որ ոստիկանները բռնի ուժով այդ ճանապարհն էլ կբացեն:

«Գյուղում հազարից ավել ոստիկան ու սևբերետավոր կա, իրավիճակը շատ լարված է»,-հավելեց նա:

Ու՞մ եք ձեռք առնում, ի՞նչ ա նշանակում նախնական սահմանազատում, հո սա գուլպա չէ, ամեն օր փոխենք (տեսանյութ) 

Սա հանցագործության մասին հաղորդում է. իշխանությունը կամ թաքցնում է քարտեզները, կամ ոչնչացվել է (տեսանյութ)

Պարոն Օհանյան, ձեր ֆրանկցիային հավսար-զգաստ արեք և դաստիարակեք, որ կոռեկտության սահմանները չանցնեն։

Այս մասին ԱԺ-ում լրագրողների հետ զրույցում ասաց «Քաղաքացիական պայմանագիր» խմբակցության քարտուղար Արթուր Հովհաննիսյանը։ 

«Ես՝ որպես նախկին լրագրող և որպես մարդ չեմ կարող սրան չանդրադառնալ։

Պարոն Օհանյանը, հիմա ստեղ չի, «Հայաստան» դաշինքի խմբակցության ղեկավարն է և հույս ունեմ, որ Պարոն Օհանյանը տիրապետում ա իրավիճակին իր խմբակցությունում և այնպես չի, ինչպես իր նախարարության եղած տարիներն էր բանակում, իրավիճակին կարծում եմ կկարողանա տիրապետել։

Պարոն Օհանյան, ես ձեզ առաջարկում եմ շարեք ձեր ֆրանկցիային, հավսար-զգաստ արեք, և դաստիարակեք, որ կոռեկտության սահմանները չանցնեն, արդեն բոլոր կարմիր գծերը անցել են ձեր ֆրանկցիայի պատգամավորները։

Մի քանի անուն կթվեարկեմ՝ Իշխան Սաղաթելյան, որը «փախածա» ԱԺ-ից, Լևոն Քոչարյան, որը փաստորեն էլի վերջին փոքրիկ գլխի վերաբերյալ իր պատմությունից հետո «փախածա» ԱԺ-ից, Գեղամ Մանուկյան, որը էլի «փախածա» ԱԺ-ից, որը ևս ամեն ինչ անումա իր հայտարարություններով, որ ևս մեկ անգամ իր քթի վիրահատությանը անդրադառնա։

ՀՀ-ն ժովովրդավար, ազատ հանրապետություն է։ Աժ-ն Քոչարյանների ընտանիքի համար պոպլավոկը չի, ականջներիդ օղ արեք։ Մեր արձագանքը ձեզ լինելու ա տասնապատիկ կոշտ»,- ասաց նա։