«Ժամանակ» թերթը գրում է. «Հունվարի 17-ին տեղի է ունենալու Արմավիր ՋՕԸ-ի ջրօգտագործողների ընկերության ներկայացուցիչների ընդհանուր ժողովը, որի արդյունքում այս ընկերությունը կվերակազմավորվի, ավելի ճշգրիտ՝ կբաժանվի երկու ՋՕԸ-ների` Մերձափնյա եւ Արմավիր ՋՕԸ: Այս ՋՕԸ-ները առանձին էին մինչեւ 2017 թվականը:
Խնդիրը ոչ թե ՋՕԸ-ի վերակազմավորումն է, այլ այն, որ դեռեւս որոշումը չկայացած, արդեն հայտնվել են ՋՕԸ-ի ղեկավարի հավակնորդներ եւ հովանավորներ: Արմավիրի քաղաքապետ Դավիթ Խուդաթյանը այս պաշտոնի համար լոբբինգ է անում իր մերձավոր Սիրաք Սարգսյանի համար: Սարգսյանը բավական խոսուն կենսագրություն ունի:
Թավշյա հեղափոխությունից հետո չկարողացավ ընտրվել Դալարիկի համայնքապետ, հետո չընտրվեց ԱԺ պատգամավոր, հույս ունենք, որ կտապալվի նաեւ այս ընտրություններում, այլապես Արմավիրի գյուղացիությանը կարկուտից ու ցրտահարությունից բացի, եւս մեկ տարերային աղետ է սպասում»:
Առավել մանրամասն՝ թերթի այսօրվա համարում
0Comments