Պարոն Արշակյանը ապացուցեց՝ ինչպես կարելի է իրեն հակասել, ասում է՝ խաղադրույք դնողները նրանք են, ովքեր իրական Հայաստանը չեն գնահատում, ապագայով, ինչ-որ ցնորամիտ գաղափարներով են տառապում և դրա համար խաղադրույք են անում, իրական Հայաստանում ցնորամիտ գաղափարներ չունեցողներ չպետք է լինեն: Այս մասին ԱԺ ամբիոնից հայտարարեց «Հայաստան» խմբակցության պատգամավոր Արթուր Խաչատրյանը:
«Բա այդ ո՞նց եղավ, որ ձեր կերտած իրական Հայաստանում խաղամոլների, խաղադրույքների ծավալը գնալով աճում է, այսինքն՝ ձեր իրական Հայաստանն է ցնորամտություն, եթե ձեր տրամաբանությամբ առաջնորդվենք։
Արծվիկ Մինասյանի խոսքերն էլ մի՛ աղճատեք, ինքն ասում է՝ դպրոցաշինության ծրագրի մասին ճշմարտությունն ասեք, այն թիրախը, որը դրել եք, չեք հասցնելու կատարել։ Բայց չի ասում վարկեր եք վերցնում դպրոց կառուցելու, ասում է՝ այդ վարկերը, որ վերցնում եք, թիրախին չեք հասցնելու։ Բայց այն, ինչ արեց պարոն Ռուբինյանը, այ դա արդեն անգերազանցելի է։
Գիտե՞ք՝ ինչ ասաց, ինչու հիշեց Նաիրի Հունանյանին։ Ասաց՝ նախկի՛ն դաշնակցական, եթե վաղը այս կառավարությունը ձախողի, դրա մեջ մեղավոր է Հովիկ Աղազարյանը՝ որպես նախկին դաշնակցական։ Քո գլխին են սարքում, այ ընկեր, մեկ էլ երևի Շիրակի նախկին դաշնակցական մարզպետը, որը միանգամից դարձավ ՔՊ-ական: Աղազարյան ջան, ջանդ յուղի»,- ասաց նա:
0Comments