Մեգան Մարքլի «ձյունաճերմակ» կերպարը զարմացրել է բոլորին

Մեծ Բրիտանիայի արքայազն Հարիի կինը՝ Սասեքսի դքսուհի Մեգան Մարքլը, չնայած արդեն 7 ամսական հղիությանը, շարունակում է ակտիվ հասարակական կյանք վարել:

woman.ru-ի հաղորդմամբ, արքայազնն ու նրա կինը օրերս ժամանել են Բնության պատմության թանգարան, որտեղ դիտել են «Վայրի Երկիր» թատերական ներկայացումը:

37-ամյա դքսուհին ներկաներին զարմացրել է բավականին նուրբ և գեղեցիկ կերպարով. Մարքլը կրել է բարձր օձիքով ճերմակ զգեստ Calvin Klein-ից և գրեթե նույն երանգի բաճկոն Amanda Wakeley-ից: Կերպարը լրացրել են խակի գույնի բարձրակրունկներն ու ձեռքի պայուսակը:

Աղբյուրը նկատում է, որ արքայազնի կնոջ կերպարն իսկապես հաջողված է, ու բարդ է այն քննադատելու առիթ գտնել: Նույնը չի կարելի ասել Մարքլի «փայլփլուն» դիմահարդարման մասին, որի հարցում դքսուհին շատերի կարծիքով չափն անցել է: