Հրապարակը գրում է. Այսօր լրատվականները գրեցին, որ Թեհրանից Երևան են ժամանել մոտ 10 բարձրաստիճան զինվորական։
Ամենայն հավանականությամբ գեներալների Երևան ժամանումը կապված է հայ-ադրբեջանական սահմանային լարվածության հետ:
Այս այցը նաև աննախադեպ է նրանով, որ Իրանի բարձաստիճան սպաները երբեք այսքան մեծ պատվիրակությամբ որևէ երկիր չեն այցելում։ Այնուհետև համացանցում լուսանկարներ տարածվեցին, թե ինչպես է Իրանը ծանր ռազմական տեխնիկա տեղափոխում դեպի սահման:
Իսկ գիտե՞ք ինչի համար էին եկել Իրանի գեներալները։ Ասեմ, եկել էին մեր սիրելի վարչապետին ռազմական օգնություն առաջարկելու, մասնավորապես առաջարկել են տեխնիկա և իրանական զորքը մտցնել Սյունիք՝ սահմանի ամողջ երկայնքով տեղակայելու համար: Իրանը չափազանց անհանգիստ է Ադրբեջանի և Թուրքիայի աճող ազդեցությամբ և պատրաստ է ամեն գնով կանխել Հայաստանի կողմից տարածքների կորուստը, շատ լավ հասկանալով, որ հակառակ դեպքում մենակ է մնալու ՆԱՏՕ-ի դեմ և կանխատեսում է տարածաշրջանում լայնամասշտաբ պատերազմ:
Սա միակ նման առաջարկը չի, մեր աղբյուրները ասում են, որ անցյալ տարվա հոկտեմբերի 11-ին (պատերազմի ամենաթեժ օրերին) Իրանի բարձրաստիճան դիվանագետը Երևանում մեծ դժվարությամբ կարողացել է ընդունելություն կազմակերպել վարչապետի մոտ և միայն մեկ առաջարկ է փոխանցել Հասան Ռուհանիի՝ Իրանի Իսլամական Հանրապետության նախագահի անունից: Առաջարկը եղել է Իրանի ՀՕՊ համակարգերով փակել Խուդաֆերիի ջրամբարի հատվածում օդը՝ այդպիսով հնարավորություն տալով բեկել պատերազմի ընթացքը: Այն ժամանակ վարչապետը մերժել է առաջարկը, ասելով թե Իրանը ԱՄՆ-ի սանկցիաների տակ է և նման օգնություն ընդունելը վատ կանդրադառնա Հայաստան-ԱՄՆ հարաբերությունների վրա: Պատկերացնում եք ինչ աստիճան է վախենում ԱՄՆ-ից, որ տղաների կյանքի հաշվին որոշել է «հարաբերություն չփչացնել»:
Իսկ ի՞նչ են պատասխանել Իրանի 10 գեներալներին այսօր՝ կհարցնեք դուք:
Պատասխանը եղել է՝ չենք տեսնում նպատակահարմարություն ձեր առաջարկի մեջ:
Ու ամենահետաքրքիրը, որ Իրանի զորքին չի թողնում մտնել, մեր զորքը չի տանում սահման, ես անկեղծ չեմ հասկանում այս մարդու հույսը ինչի՞ վրա է։ Կամ իսկապես դավաճան է, կամ կատարյալ ավանակ:
Ամբողջական հոդվածը՝ սկզբնաղբյուր կայքում
0Comments