Գերմանիայի նախագահը ներողություն է խնդրել Լեհաստանից Երկրորդ համաշխարհային պատերազմի համար

^{Գերմանիայի նախագահ Ֆրանկ Վալտեր Շթայնմայերը ներողություն է խնդրել Լեհաստանից 80 տարի առաջ Երկրորդ համաշխարհային պատերազմի առաջին օրերից սկսած «նացիստական բռնակալության» համար, հաղորդում է BBC News-ը:}

^{Շթայնմայերը եւ մի շարք ուրիշ երկրների առաջնորդները գտնվում են Լեհաստանում Երկրորդ համաշխարհային պատերազմի սկզբի տարելիցի կապակցությամբ:}

^{Կիրակի առավոտյան Վելյուն քաղաքում, որտեղ ընկել էր առաջին գերմանական ռումբը, կայացել է հիշատակման արարողությունը:}

^{Գերմանիայի նախագահը դատապարտել է «ոչնչացնելու որոշումը», որին հետեւել էր հարձակումը:}

^{«Ես խոնարհվում եմ գերմանական բռնակալության լեհ զոհերի առաջ: Ես ներողություն եմ խնդրում»,-հայտարարել է Շթայնմայերը գերմաներենով եւ լեհերենով:}

^{Գերմանիայի նախագահը ելույթ է ունեցել իր լեհ գործընկեր Անջեյ Դուդի հետ, որն անվանել է Լեհաստանի վրա նացիստական Գերմանիայի հարձակումը որպես «բարբարոսական գործողություն»}: