Ուկրաինայի նախագահի աշխատասենյակի պատերը զարդարել են երիտասարդ ուկրաինացի նկարիչների՝ Կիևի պատմության թանգարանում պահվող հավաքածուի նկարներով: Նկարներն ընտրել է անձամբ նախագահ Վլադիմիր Զելենսկին:
Այդ մասին իր ֆեյսբուքյան էջում հայտնել է թանգարանի տնօրենի տեղակալ Տատյանա Կոստենկոն, գրում է korrespondent.net-ը:
Նա նաև հրապարակել է «երկրի ղեկավարության տրամադրության վրա ազդող և յուրահատուկ մթնոլորտ ստեղծող» կտավների լուսանկարները:
Դրանց շարքում է նաև շաուրմայի կետ պատկերող նկարը, որի մասին ավելի վաղ ասել էր Զելենսկին՝ հայտարարելով, որ իր համար «Կիևը Կիև է դարձնում» շաուրմայի բույրը:
Հիշեցնենք, որ Կիևի օրվա առթիվ նախագահի հղած շնորհավորանքը, որում խոսվել էր շաուրմայի մասին, սոցցանցերում ուկրաինացի օգտատերերի շրջանում դժգոհության ալիք էր բարձրացրել:
0Comments