Պակիստանում արգելել են հնդկական ֆիլմերի ցուցադրումը, կառավարությունն աշխատում է նաև հնդկական մշակույթին առնչվող ցանկացած կոնտենտի արգելման ուղղությամբ

^{Պակիստանի իշխանություններն արգելել են հնդկական ֆիլմերի ցուցադրումը, հաղորդում է «Ինտերֆաքս»-ը:}

^{«Պակիստանում այլևս չեն ցուցադրվի հնդկական ֆիլմերը»,- ասել է երկրի վարչապետի օգնականը՝ նշելով, որ կառավարությունն աշխատում է նաև հնդկական մշակույթին առնչվող ցանկացած կոնտենտի արգելման ուղղությամբ:}

^{Հնդկական ֆիլմերը ցուցադրվում են աշխարհի ավելի քան 90 երկրներում:}

^{Պակիստանի որոշումը կապված է Քաշմիրի շուրջ իրավիճակի պատճառով Հնդկաստանի և Պակիստանի հարաբերությունների լարվածության հետ:}

^{Այս շաբաթ Հնդկաստանի իշխանությունները հայտարարեցին Ջամմա և Քաշմիր նահանգի հատուկ կարգավիճակի չեղարկման մասին: Դրան ի պատասխան՝ Պակիստանի կառավարությունը նվազեցրեց Հնդկաստանի հետ դիվանագիտական հարաբերությունների մակարդակն ու դադարեցրեց երկկողմ առևտուրը:}

^{Քաշմիրը մեծամասամբ բնակեցված է մուսուլմաններով: 1947թ.-ից ի վեր, երբ երկու երկրներն անկախացան, այդ շրջանը երկու երկրների հարաբերություններում հիմնական խնդիրը դարձավ:}