Մի քանի «ինչու»–ներ Իջևանի «հերոսամարտի» շրջանակներում

^{Ինչո՞ւ 2008թ. մարտի 1–ին ոստիկանների վրա քարեր ու մոլոտովի կոկտեյլներ նետողները, ինչպես նաև կրակոցներ արձակողները հպարտ և ազատատենչ քաղաքացիներ էին և արժանի էին բյուջետային փոխհատուցում ստանալուն, իսկ ահա 2019թ. հուլիսի 17–ին Իջևանում ճանապարհ փակողները և ոստիկանների վրա քարեր նետողները՝ օրինախախտ քաղաքացիներ ու համարյա «սևեր»։ Իջևանում տուժած քաղաքացիներին փոխհատուցում տրվելո՞ւ է։}

^{Ինչո՞ւ 2019թ.–ին դեպի Վրաստան տանող մայրուղին համարվում է ռազմավարական, որը չի կարելի անգամ 1 րոպե փակել (Տավուշի մարզպետի շատ ճիշտ գնահատականը), իսկ ահա 2018թ.–ին այն կարելի էր փակել, այն էլ՝ ժամերով կամ օրերով։}

^{Ինչո՞ւ պետք է 2008թ. մարտի 1–ին մարմնական վնասվածք ստացած 189 ոստիկանը համարվեն ռեժիմի սպասարկուներ և արժանանան բացասական գնահատականի, իսկ ահա 2019թ. տուժած 12 ոստիկանը՝ բարի ծառայողներ և գովասանքի արժանի ծառայողներ։ Չէ՞ որ երկու դեպքում էլ Օսիպյանը ոստիականական թիմում է եղել։ Չէ՞ որ երկու դեպքում էլ քաղաքացիները չեն ենթարկվել ոստիկանության պահանջներին ու հարձակվել են իշխանության ներկայացուցչի վրա։}

^{Եվ վերջում։ 2008թ. բախումների ժամանակ զոհվեց 2 ոստիկան և 8 քաղաքացիական անձ։ 2019թ. Իջևանում բախումների արդյունքում զոհեր չեղան, բայց չէր բացառվում, որ լինեին։ Կարո՞ղ եք կռահել, թե ինչո՞ւ ի տարբերություն 2008–ի 2019–ին բարեբախտաբար զոհ չունեցանք։}

^{Անդրանիկ Թևանյանի ֆեյսբուքյան էջից}