Գաբրիել Ժեզուս․ Հենց սա է Բրազիլիայի հավաքականը

^{Բրազիլիայի հավաքականի եւ «Մանչեսթեր Սիթիի» հարձակվող Գաբրիել Ժեզուսը մեկնաբանել է 2։0հաշվով հաղթանակը Արգենտինայի հավաքականի նկատմամբ Ամերիկայի գավաթի խաղարկության կիսաեզրափակիչում։}

^{«Չափազանց ուրախ եմ իմ գոլի եւ թիմային հաղթանակի համար։ Ես վստահ էի, որ գոլ կխփեմ։ Ֆիրմինոն գերազանց նկատեց իմ դիրքը եւ գոլային փոխանցում կատարեց, ես պահը բաց չթողեցի, ինչը ավելի մեծ վստահություն հաղորդեց ինձ։}

^{Հրաշալի աշխատեցինք եւ պայքարեցինք մինչեւ վերջ։ Հենց սա է Բրազիլիայի հավաքականը։ Նույն ոգեւորությամբ կխաղանք եզրափակիչում եւ կհասնենք մեր նպատակին»,- Ժեզուսի խոսքը մեջբերում է Goal.com-ը։}

^{Բրազիլիան 12 տարում առաջին անգամ է դուրս եկել այս մրցաշարի եզրափակիչ։}