«Մանչեսթեր Յունայթեդի» արժեքը նվազել է 1,26 միլիարդ ֆունտ ստերլինգով

^{«Մանչեսթեր Յունայթեդի» բորսայական արժեքը մեկ տարում նվազել է 1,26 միլիարդ ֆունտ ստերլինգով եւ կազմում է 2,25 միլիարդ, հաղորդում է Mirror-ը։ Անգլիական ակումբի բաժնետոմսերը սակարկվում են Նյու Յորքի ֆոնդային բորսայում։ Այժմ մեկ բաժնետոմսի գինը 14,24 ֆունտ ստերլինգ է։ 2018թ․ օգոստոսին «Մանչեսթեր Յունայթեդի» մեկ բաժնետոմսը վաճառվում էր 21,82 ֆունտ ստերլինգով։}

^{«Մանչեսթեր Յունայթեդի» ֆանատները դժգոհ են Գլեյեզերների ընտանիքից, որը ակումբը ձեռք է բերել 2003 թվականին 790 միլիոն ֆունտ ստերլինգով։}

^{Հիշեցնենք, որ Անգլիայի առաջնությունում «Մանչեսթեր Յունայթեդը» նորվեգացի Ուլե-Գունար Սուլշերի գլխավորությամբ գրավել է 6-րդ տեղը եւ հանդես կգա Եվրոպայի լիգայի խմբային մրցաշարում, գրում է sport.news.am:}