Հայաստանի ֆուտբոլային մրցաշրջանի դափնեկիրների պարգեւատրությունը

^{ՀՖՖ տեխնիկական կենտրոնում տեղի ունեցավ Հայաստանի ավարտված ֆուտբոլային մրցաշրջանի մրցանակաբաշխությունը։ Հանրապետության չեմպիոն «Արարատ-Արմենիային» ոսկե մեդալներն  ու գավաթը հանձնեց ՀՖՖ նախագահ Արթուր Վանեցյանը, հայտնում է ՀՖՖ մամուլի ծառայությունը։}

^{Պարգևատրվեցին նաև փոխչեմպիոն «Փյունիկն» ու բրոնզե մեդալակիր «Բանանցը»։} 

^{Լավագույն ռմբարկուի մրցանակը բաժին հասավ «Լոռիի» հարձակվող Ջոնել Դեսիրեին  (17 գոլ)։}

^{Առաջին խմբի չեմպիոն «Յունիոր Սևանին» շնորհվեցին չեմպիոնական փոքր գավաթը և ոսկե մեդալները։ Պարգևատրվեցին նաև ֆուտզալի Հայաստանի չեմպիոն «Լեոն», արծաթե մեդալակիր «Արմենիա Թրավելը», բրոնզե մրցանակակիր «Կումայրին»։}

^{Ֆուտզալի լավագույն խաղացողի անհատական մրցանակը ստացավ «Լեոն» ներկայացնող Սարո Գալստյանը, լավագույն ռմբարկուի պարգևը՝ նրա թիմակից Գարեգին Մաշումյանը (42 գոլ)։}