Գեւորգ Պապոյանը հեռացվել է կուսակցության կարգապահությունը խախտելու համար. ՀՀԿ

^{Ազգային ժողովի «Իմ քայլը» խնբակցության պատգամավոր Գեւորգ Պապոյանը Հայաստանի հանրապետական կուսակցությանը անդամագրվել է 2005  թվականին եւ կուսակցությունից հեռացվել է 2018 թվականին։}

^{«ՀՀԿ Արագածոտնի տարածքային կազմակերպության որոշման համաձայն՝  2018 թվականի հուլիսի 3-ին հեռացվել է կուսակցությունից՝ կուսակցական աշխատանքներին չմասնակցելու եւ կուսակցության կարգապահությունը խախտելու համար»,–հայտնեցին ՀՀԿ–ից։}

^{ՀՀԿ Արագածոտնի տարածքային կազմակերպությունից մանրամասնեցին, որ կուսակցության կարգապահությունը խախտելու տակ նկատի է առնվել առանց ՀՀԿ–ի համաձայնության այլ կուսակցությունների հետ համագործակցությունը։}

^{ՀՀԿ Արագածոտնի տարածքային կազմակերպության համակարգող Շուշանիկ Շուխյանը շեշտեց, որ ՀՀԿ–ի գրասենյակում Գեւորգ Պապոյանին չի տեսել, իրեն չի ճանաչում։}

^{Հիշեցնենք, որ ավելի վաղ Գեւորգ Պապոյանը հայտնել էր, որ մի կարճ ժամանակ` մասնավորապես մինչեւ 2007թ. հոկտեմբեր ամիսը, ֆիկտիվ կերպով անդամակցել է ՀՀԿ-ին. «Հպարտությամբ եմ ասում, որ ես ՀՀԿ-ից դուրս եմ եկել այն ժամանակ, երբ բոլորը մտնում էին ՀՀԿ, չեմ էլ թաքցնում, որ մինչեւ 2012թ․ համակրել եմ Լեւոն Տեր-Պետրոսյանի գաղափարները»:}