Իշխանության համար պայքարը մարդկության պատմության բոլոր ժամանակներում ունեցել է մեկ տրամաբանություն`
Կամ դու, կա‘մ քեզ...
Նիկոլը այս դասը լավ գիտի, նա եղել է խրամատի թե‘ մեկ, և թե‘ մյուս կողմերում։ Հետևաբար նա գիտի, որ պետք է գտնի թույլ կողմերն ու հարվածի։ Իշխանական ողջ մեդիան, անդեմ պրոֆիլները` ընդ որում թե‘ կյանքում, և թե‘ առհասարակ անդեմ, մարդկային ողջ ռեսուրսը հրապարակ է նետել ու դեռ ավելին կանի, իսկ բիրտ ուժի կիրառումը իր տարերքն է դարձել, ինչպես ցանկացած բռնապետի դեպքում է լինում։
Հակառակ կողմում ընդունվող որոշումները, ընդհանուր շղթայի մեջ դրանց տրամաբանությունը, հետևողականությունը, սառնասրտությունը, համառությունը և հասարակությունից չկտրվելն ու էմոցիոնալ ողջ հոսքը ուղղորդելը միայն կարող են հաղթանակի ճանապարհ բացել։
Տավուշից մինչև Երևան ճանապարհը պարզապես անհնար է համեմատել նրա հետ, ինչ եղել ու դեռ կլինի Երևանում։ Այստեղ է լինելու քաղաքական ամենակարևոր ճակատամարտը, որի եքը կախված է նրանից, թե հերոսի ու հակահերոսի մոտ վճռականության, զոհաբերության, համառության ինչ մակարդակ կլինի։
Պայքարի պիկին այս ամբողջ պայքարը դառնալու է կոնկրետ երկու հոգու մարտ` հերոսի և հակահերոսի։
Վերջնարդյունքը կախված է այս երկուսի «մենամարտից»:
Այսպիսին է ամբողջ իշխանություն-հակաիշխանություն պայքարի տրամաբանությունը բոլոր ժամանակներում, այսպիսին է նաեւ հիմա։ Նիկոլը սա լավ գիտի, իսկ ընդդիմությո՞ւնը:
Garnik Danielyan / Գառնիկ Դանիելյան
Արա Պողոսյան
0Comments