ԱՄՆ Ֆլորիդա նահանգի Քլիրուոթեր քաղաքում Beechcraft Bonanza V35 թեթև ինքնաթիռը մխրճվել է բնակելի թրեյլերներ մեջ։
Ինչպես հայտնում են lurer.com-ը և Reuters-ը, կործանումից առաջ օդանավի օդաչուն հասցրել է հայտնել շարժիչի խափանման մասին։ Ինքնաթիռը մխրճվել է բնակելի թրեյլերներից մեկի մեջ և անմիջապես բռնկվել է։
Ականատեսները պատմում են, որ լսել են պայթյուն, որից հետո ծխի սև սյուն է բարձրացել օդ:
Ինքնաթիռի կործանումից բռնկված կրակն արագ տարածվել է մոտակա շարժական տների վրա։ Ըստ քաղաքի հրշեջների ներկայացուցիչ Սքոթ Էհլերսի, ընդհանուր առմամբ, չորս թրեյլեր է այրվել: Երեքի բնակիչները կարողացել են լքել իրենց տները և չեն տուժել։ Ինքնաթիռում և հարվածի ենթարկված թրեյլերում գտնվող մարդկանց ցանկում կան զոհեր:
0Comments