Էստոնիայի վարչապետ Կայա Կալասը շահագրգռված է, որպեսզի զբաղեցնի բարձրագույն պաշտոնը ՆԱՏՕ-ում։ POLITICO Defense-ի գագաթաժողովում Կալասին հարցրել են, թե արդյոք նա ցանկանում է, որպեսզի իրեն դիտարկեն այդ դերի համար ՆԱՏՕ գլխավոր քարտուղար Յենս Սթոլտենբերգի հեռանալուց հետո։ Նա պատասխանել է՝ «այո»։
Կալասի արձագանքը եւ նրա այցը Վաշինգտոն տեղի են ունենում Եվրոպայում աճող անհանգստության ֆոնին, հատկապես Բալթյան եւ Արեւելյան Եվրոպայի երկրների ղեկավարների շրջանում, կապված այն բանի հետ, որ ԱՄՆ աջակցությունը Ուկրաինային թուլանում է։
Կալասը համոզված էր, որ Ուկրաինան կհաղթի, քանի որ Ատլանտիկայի երկու կողմերում ավելանում է անհանգստությունը, որ Ուկրաինան եւ Ռուսաստանը մոտենում են փակուղու մարտադաշտում։ «Եվ Ուկրաինան կարող է շահել այս պատերազմը»։
Կալասը հերքել է այն կարծիքը, թե հակամարտությունը փակուղի է մտել՝ հայտարարելով, որ Ռուսաստանի շահերից է բխում մարտադաշտում պայմաններն այդ լույսով ներկայացնելը։
Կալասը հանդիպել է Բայդենի վարչակազմի ներկայացուցիչների եւ օրենսդիրների հետ Կապիտոլիումում, նա ընդգծել է ամերիկյան աջակցության անհրաժեշտությունը՝ տարածաշրջանում կայուն խաղաղության հասնելու համար։ «Մենք ցանկանում ենք կայուն խաղաղություն։ Եվ իհարկե, դուք գիտեք, որ ամերիկյան աջակցությունը հիմնարար նշանակություն ունի այդ հարցում»,- ասել է Կալասը։
0Comments