Իրանի ԱԳՆ պաշտոնական ներկայացուցիչ Սաիդ Խաթիբզադեն, մեկնաբանելով Իրան-Հայաստան մայրուղու վրա իրադրությունը, ընդգծել է հարեւան երկրների տարածքային ամբողջականության առաջնահերթությունը:
Մինչդեռ, Թուրքիայի նախագահ Էրդողանը «Զանգեզուրի միջանցքի բացումը» առաջադրում է որպես նախապայման Նիկոլ Փաշինյանի հետ հանդիպման և տարածաշրջանը ապաշրջափակման համար: «Զանգեզուրի միջանցքը» Հայաստանի տարածքային ամբողջականության խախտում է, որին դեմ է Իրանը: Ավելին, դա խախտում է նաեւ Իրանի հաղորդակցային ինքնիշխանությունը, որը Հայաստան մեկնելու համար ստիպված է լինելու անցնել երրորդ երկրների կողմից վերահսկվող միջանցքով:
20-րդ դարի սկզբին Թեհրանը տարածք է զիջել Թուրքիային, որպեսզի վերջինս սահման ունենա Նախիջևանի հետ, եւ այժմ Իրանը վճարում է իր որոշման համար:
Գորիս-Կապան ճանապարհին իրանական բեռնատարների վարորդներին ձերբակալելու մասին հարցին Խաթիբզադեն պատասխանել է, որ Իրանը զբաղվում է այդ հարցով և պահանջել է անհապաղ ազատ արձակել վարորդներին, ինչպես նաև հանդիպել պաշտոնյաների հետ` խնդրի արմատական լուծումն ապահովելու համար:
Հայաստանում Իրանի դեսպան Աբբաս Բադախշան Զոհուրին հույսը կապում է միայն այլընտրանքային ճանապարհի հետ: «Խորհրդային միության քարտեզների համաձայն՝ Հայաստանի Գորիս-Կապան ճանապարհի երկու հատվածները պատկանում են Ադրբեջանին, սակայն համաձայնություն էր ձեռք բերվել մինչև սահմանազատման գործընթացի սկսվելը փոխադրամիջոցներն առանց արգելքի այս ուղղությամբ երթևեկեն։ Այժմ, ինչպես գիտեք, Գորիս-Կապան ճանապարհի որոշ հատվածներում ադրբեջանցի ոստիկաններն ու սահմանապահներն արդեն մի քանի օր է կանգնեցնում են իրանական բեռները Հայաստան տեղափոխող վարորդներին՝ որպես մաքսատուրք որոշակի գումարներ են գանձում իրանցի վարորդներից։ Թերևս Ադրբեջանը օտարերկրյա տրանսպորտային միջոցների յուրաքանչյուր մուտք ու ելքի համար գանձում է ճանապարհային հարկ», ասել է դեսպանը։
Հայ պաշտոնյաներն ասում են, որ Հայաստան-Իրան միջպետական ճանապարհի խնդիրները Իրանի և Ադրբեջանի «անձնական» գործն են: Հայ և ռուս սահմանապահները մոտակայքում չեն ստեղծում իրենց դիրքերը, որպեսզի արագ արձագանքեն միջադեպերին ՝ թողնելով թե՛ Հայաստանի, թե՛ Իրանի քաղաքացիներին ճակատագրի քմահաճույքին:
Դատելով իրանցի պաշտոնյաների հայտարարություններից՝ Ադրբեջանը չի ցանկանում քննարկել իրավիճակը, իսկ Հայաստանն ասում է, որ դա մեր գործը չէ, պարզեք ինքներդ: Ռուսաստանն ընդհանրապես չի միջամտում:
Այս ֆոնին հայտնվում է տեղեկություն, որ իրանցի զինվորականները զգալի ուժեր են տեղափոխում Ադրբեջանի հետ սահման: Արաքս գետի տարածքում նախատեսվում է անցկացնել խոշոր վարժանքներ, գրում է «Ռազմական դիտորդ» տելեգրամյան ալիքը:
0Comments