Դեկրե՞տ, չեմ լսել․ Մեգան Մարքլը զբաղվում է էժանագին հագուստի դիզայնով

Թվում է՝ Մեգան Մարքլը չի կարողանում հանգիստ վայելել դեկրետը։ Արքայազն Հարրիի կինը, որը դարձել է Vogue UK-ի սեպտեմբերյան համարի հրավիրված խմբագիրը, կթողարկի հագուստի սահմանափակ քանակությամբ հավաքածու։ Աշխատանքի համար դքսուհին հայտարարել է հայտնի՝ Marks and Spencer հագուստի բրենդի հետ համագործակցության մասին։ Այս մասին հայտնում է The Sun-ը։

Այն կաջակցի Smart Works ընկերությանը, որը աշխատանք չունեցող կանանց հարցազրույցի ներկայանալու համար անվճար ապրանքներ է տրամադրում, ինչպես նաեւ նրանց հետ աշխատանք գտնելու թրեյնինգներ է անցկացնում։

«Սա թույլ կտա դառնալ ոչ միայն միմյանց պատմության մի մասնիկը, այլ նաեւ կհիշեցնի այն մասին, որ մենք միասին ենք», - բացատրել է Մեգանը։

Սահմանափակ քանակությամբ հավաքածուն կթողարկվի այս տարի։ Այն կներառի կիսաշրջազգեստոներ, գրասենյակային տարբեր ձեւի տաբատներ, բլեյզերներ, էլեգանտ ջեմփերներ, ինչպես նաեւ վերնաշապիկներ, բլուզներ, որոնք սիրում է ինքը Մեգանը։