ԱՄՆ նախագահ Դոնալդ Թրամփը հինգշաբթի հերքել է բռնաբարության մասին մեղադրանքը, որը իր հասցեին հայտնել էր ամերիկյան գրող եւ լրագրող Ջին Քերոլը, գրում է ՏԱՍՍ-ը:
Ավելի վաղ New York Magazine ամսագրի էջերում հրւապարակվել էր Քերոլի նոր գրքից հատված, որում նա պդնում է, որ 1995 թվականի վերջին կամ 1996 թվականի սկզբին Թրամփն իբրեւ թե բռնաբարել է նրան Նյու Յորքի Bergdorf Goodman խանութի հանդերձարանում:
«Ես կյանքում երբեք չեմ հանդիպել այդ մարդուն: Նա փորձում է վաճառել իր գիրքը, դա պետք է մատնանշի նա շարժառիթը:
Այն պետք է վաճառել գեղարվեստական գրականության բաժնում», - ասվում է Սպիտակ տարածած Թրամփի հայտարարությունում:
«Եթե որեւէ մեկը տեղեկություն ունի այն մասին, որ Դեմոկրտականա կուսակցությունն աշխատում է տիկին Քերոլի կամ New York Magazine-ի հետ, խնդրում են ք հայտնեք մեզ այդ մասին, որքան հնարավոր է շուտ: Աշխարհը պետք է իմանա, թե ինչ է իրականում կատարվում: Դա խայտառակություն է, մարդիկ պետք է բարձր գին վճարեն նման կեղծ մեղադրանքների համար», - հավելել է ԱՄՆ նախագահը:
Դեռ 2016-ի վերջին ավելի քան մեկ տասնյակ կանայք հանդես էին եկել պնդումներով, որ Թրամփն իրենց նկատմամբ ոտնձգություններ է կատարել: Նախագահը բազմիցս հերքել է բոլոր մեղադրանքները՝ դրանք կեղծ անվանելով:
0Comments