Վենեսուելայի իշխանությունները համաձայնել են Կարմիր խաչի կողմից հումանիտար օգնություն ընդունել:
«Մենք հաստատում ենք հանուն միջազգային օգնության և աջակցության համագործակցության մեխանիզմ ստեղծելու մեր պատրաստակամությունը»,- գրել է երկրի նախագահ Նիկոլաս Մադուրոն թվիթերյան իր էջում:
Նախագահը հանդիպում է ունեցել Կարմիր խաչի միջազգային հանձնաժողովի նախագահի Պիտեր Մաուրերի հետ, որն «արդյունավետ» է գնահատել՝ ընդգծելով, որ կարմիր խաչի հետ համագործակցության շրջանակներում հարկավոր է հարգել «Վենեսուելայի իրավական կարգը»:
Հիշեցնենք, որ փետրվարի վերջին Մադուրոն փակել էր Բրազիլիայի և Կոլումբիայի հետ սահմանը, որպեսզի խոչընդոտի հումանիտար օգնության մուտքը երկիր:
Վենեսուելայի սահմանապահ զորքերը թույլ չէին տվել, որ ԱՄՆ-ի կողմից ուղարկված օգնությունը մուտք գործեր Վենեսուելա, իսկ Մադուրոն ԱՄՆ-ի նման քայլը ռազմական միջամտության պատրվակ էր որակել:
Մադուրոն համաձայնել է Կարմիր խաչի կողմից հումանիտար օգնություն ընդունել
Մենք հաստատում ենք հանուն միջազգային օգնության և աջակցության համագործակցության մեխանիզմ ստեղծելու մեր պատրաստակամությունը
0Comments