Աշխարհում, որտեղ ավելի ու ավելի է գերիշխում արհեստական ինտելեկտը, շուտով կհայտարարվի առաջին AI գեղեցկուհուն:
Թվային «աստվածուհիները» կպայքարեն թագի համար: Սա մարդկության համար լավ բան չի խոստանում: Արհեստական ինտելեկտի օգնությամբ կատարյալ հատկանիշներով գեղեցիկ կանանց ստեղծելը արդյունք է տալիս, քանի որ նրանցից ոմանք հարյուր հազարավոր հետեւորդներ են հավաքում Instagram-ում եւ վաստակում հովանավորչական շահավետ գործարքներ:
Fanvue's-ի «Միսս արհեստական բանականություն» մրցույթի հաղթողը կստանա 20 000 դոլար։ Մրցույթի մասնակիցները կգնահատվեն գեղեցկության, տեխնոլոգիաների եւ սոցիալական ցանցերի վրա իրենց ազդեցության չափանիշներով:
Վարդագույն մազերով 25-ամյա AI ֆիթնես մոդել Այտանա Լոպեսը Instagram-ում ավելի քան 306 000 երկրպագու ունի, հայտնում է NY Post-ը։ Նա իր ստեղծողներին ամսական 11 000 դոլար է բերում: Նույն հաջողությունն ունի նաեւ Էմիլի Պելեգրինին՝ թխահեր գեղեցկուհին, ով իր կարիերայի առաջին վեց շաբաթվա ընթացքում վաստակել է 10 000 դոլար:
«Միսս AI»-ի մրցույթով կազդարարվի World AI Creator Awards (WAICA) մրցանակաբաշխության մեկնարկը, իսկ մասնակիցներին կգնահատի ժյուրին, որի կազմում է նաեւ պատմաբան Սալի-Անն Ֆոսեթը:
«Միսս AI»-ի լավագույն տասնյակը կհայտարարվի մայիսի 10-ին, որին կհաջորդի առցանց մրցանակաբաշխությունը:
Առաջին «Միսս արհեստական բանականություն»-ը կստանա 20 000 դոլարի մրցանակ
Մանրամասներ
0Comments