Ուկրաինական պատվիրակությունը մոտ ժամանակներս կայցելի Միացյալ Նահանգներ՝ օգտակար հանածոների համաձայնագրի շուրջ բանակցությունների համար: Այս մասին Bloomberg-ին տված հարցազրույցում հայտարարել է ԱՄՆ ֆինանսների քարտուղար Սքոթ Բեսենթը։

Նրա խոսքով՝ այցը կկայանա կամ այս շաբաթվա վերջին, կամ հաջորդ շաբաթվա սկզբին, որպեսզի քննարկվի երկու երկրների միջև տնտեսական համագործակցության մասին համաձայնագիրը:

Միևնույն ժամանակ, նա ասել է, որ ուկրաինացիները իրավաբան են վարձել, իսկ ԱՄՆ-ի կողմից գործարքը պատրաստ է:

«Մենք կարծում ենք, որ այդ գործարքը շատ կարևոր է ամերիկյան ժողովրդի, ուկրաինացի ժողովրդի և խաղաղության գործընթացի համար», – հայտարարել է նա: