Միջուկային գործարքի շուրջ Իրանն ու ԱՄՆ-ը դեռ չեն բանակցել. ԻԻՀ դեսպան
Իրանն ու ԱՄՆ-ը դեռ բանակցություններ չեն վարել Գործողությունների համատեղ համապարփակ ծրագրի (ԳՀՀԾ) շուրջ: Այս մասին, ինչպես հաղորդում է ՌԻԱ Նովոստին՝ վկայակոչելով իրանական ԶԼՄ-ները, հայտարարել է Ռուսաստանում ԻԻՀ դեսպան Քազեմ Ջալալին։
Հունվարի 29-ին Իրանի ԱԳ նախարար Աբբաս Արաղչին հայտարարել էր, որ Վաշինգտոնը Թեհրանին հստակ ուղերձներ չի ուղարկել ԳՀՀԾ-ի շուրջ բանակցությունների վերսկսման մասին, և այդ պահին երկխոսության վերսկսման մասին որոշում չի եղել:
«Ինչպես ասել է արտգործնախարարը, մեր միջև ոչ մի բանակցություն չի եղել», - ասել է Ջալալին:
Հիշեցնենք, որ Իրանի ԱԳ նախարար Աբբաս Արաղչին Sky News-ին տված հարցազրույցում հայտարարել էր, որ չի բացառում ԱՄՆ-ի հետ նոր բանակցությունների հնարավորությունը և պատրաստ է լսել ԱՄՆ նախագահ Դոնալդ Թրամփի առաջարկները:
2015 թվականին Մեծ Բրիտանիան, Գերմանիան, Չինաստանը, Ռուսաստանը, ԱՄՆ-ը, Ֆրանսիան և Իրանը միջուկային կնքեցին գործարք, որը ենթադրում էր պատժամիջոցների վերացում՝ Իրանի միջուկային ծրագիրը սահմանափակելու դիմաց: ԱՄՆ-ը Դոնալդ Թրամփի նախորդ նախագահության օրոք՝ 2018 թվականի մայիսին դուրս եկավ ԳՀՀԾ-ից և վերականգնեց Թեհրանի դեմ պատժամիջոցները: Ի պատասխան՝ Իրանը հայտարարեց համաձայնագրի շրջանակներում իր պարտավորությունների փուլային կրճատման մասին՝ հրաժարվելով, մասնավորապես, միջուկային հետազոտությունների սահմանափակումներից և ուրանի հարստացման մակարդակից:
Latest from Live24
- Եթե վիզայով սահմանված ժամկետից երկար եք մնում, ձեր նկատմամբ կարող է կիրառվել ԱՄՆ մուտք գործելու մշտական արգելք. ԱՄՆ դեսպանատուն
- Պուտինը շնորհավորել է հրամանատաներին Կուրսկի ազատագրման կապակցությամբ
- 150-ից ավելի փրկարարներ ու 40 պարեկներ որոնում են Հրազդան գետն ընկած անչափահաս աղջկան
- Սա վճռորոշ ու կարևոր շաբաթ է Ուկրաինայի համար. Ռուբիո
- Իրանի նավահանգստում տեղի ունեցած պայթյունի զոհերի թիվը հասել է 36-ի
- Պակիստանում չեն բացառել Հնդկաստանի դեմ ռազմական գործողություն սկսելը
- ՀԱՄԱՍ-ը բաց է Գազայում հրադադարի համաձայնագրի համար. Թուրքիայի արտգործնախարար
- Գրենլանդիայի վարչապետը հայտարարել է, որ կղզին պատրաստ է ԱՄՆ-ի հետ համագործակցության
Լրահոս
Ֆոտո
