Մինչև այսօր էլ Ռուսաստանն ամբողջությամբ Հայաստանին չի մատակարարել զենք-զինամթերքը. Արմեն Գրիգորյան
Ռուսաստանի հետ ռազմատեխնիկական համագործակցությունը 96 տոկոսից իջել է 10 տոկոսից էլ քիչ, և դա եղել է Ռուսաստանի ընտրությունը։
Այս մասին լրագրողների հետ զրույցում ասել է ՀՀ անվտանգության խորհրդի քարտուղար Արմեն Գրիգորյանը։
«Ռուսաստանն է որոշել չմատակարարել զենք-զինամթերքը, մինչև այսօր էլ ամբողջությամբ չեն մատակարարել։ Երբ նրանք պարբերաբար բողոքում են, որ Հայաստանն այլ երկրներից զենք է գնում, չեն շարունակում մատակարարել այն պայմանագրերը, որոնք կնքվել են 2021 թվականին կամ 2022 թվականին»,- ասել է նա՝ հավելելով, որ Հայաստանը դրա վերաբերյալ բացատրություններ է լսել, որ հիմնական պատճառը Ուկրաինայի հետ պատերազմն է։
Այն հարցին, թե ինչպե՞ս են զարգանալու Հայաստանի ու Ռուսաստանի հարաբերություններն անվտանգային ոլորտում, ԱԽ քարտուղարը նշել է, որ դա կախված է, թե Ռուսաստանն ինչպես կարձագանքի այն բոլոր խնդիրներին, որոնք գոյություն ունեն։
«Բայց նաև պայմանագրեր կան, որ 2021 թվականին են կնքվել։ Ես չեմ ուզում անուն տալ, բայց ուզում եմ ասել, որ Հայաստանից բարձրաստիճան մեկ պաշտոնյայի ժամանակին ասվել է՝ եթե Ռուսաստանը մեզ մատակարարի զենք-զինամթերք, մեր դիրքորոշումները կոշտանալու են, նաև դա է պատճառը, որ չեն մատակարարում»,- նկատել է նա։
Latest from Live24
- Պատմական ռուսական հողերի միավորման նոր գործընթաց է ընթանում․ Մեդվեդչուկ
- Վերջին 30 տարիներին որ երկրի ղեկավարներին են իմփիչմենտ հայտնել և ի՞նչ է եղել նրանց հետ. Զաքարյան
- «Իրանի հետ գործարք կկնքվի»․ Թրամփը նոր հայտարարություն է արել
- Նեթանյահուն և Էրդողանը կայցելեն Ադրբեջան
- Պուտինը հրադադար է հայտարարել է Հաղթանակի 80-ամյակի օրերին
- Ռուսաստանը տասնյակ հազարավոր զինվորներ կտեղակայի Ֆինլանդիայի և Բալթյան երկրների հետ սահմանին
- Երևանում տղամարդը լվացք փռելիս 5-րդ հարկից ընկել է. նրան հասցրել են հիվանդանոց
- Դոլարի ու եվրոյի փոխարժեքները նվազել են
Լրահոս
Ֆոտո
