Հայ Առաքելական եկեղեցին այսօր տոնում է Ս. Գրիգոր Լուսավորչի նշխարների գյուտի օրը
Ս. Գրիգոր Լուսավորչի նշխարների գյուտը հայոց մեծագույն սրբերից մեկի հիշատակին նվիրված երեք տոներից մեկն է, գրում է qahana.am-ը։
Ըստ ավանդության՝ հայոց մեծ դարձից հետո Ս. Գրիգոր Լուսավորիչն իր կյանքի վերջին տարիներն ավարտում է ճգնակեցությամբ՝ Սեպուհ լեռան Մանեի այրում, որտեղ էլ վախճանվում է 326 թվականին:
Նրա մարմինը գտնում են հովիվները, որոնք, չճանաչելով մահացած կաթողիկոսին, մարմինը ծածկում են քարակույտի տակ:
Հետագայում Ս. Գրիգոր Լուսավորիչը տեսիլքով հայտնում է իր նշխարների տեղն աշակերտներից Գառնիկ Բասենցուն, որից հետո Հայրապետի նշխարները տեղափոխվում և ամփոփվում են Դարանաղի գավառի Թորդան գյուղում:
Ս. Գրիգոր Լուսավորչի նշխարները բոլոր քրիստոնեական եկեղեցիների ամենամեծ սրբություններից են: Հայոց Հայրապետի նշխարները գտնվելուց հետո նրանցից մի մասն իբրև սրբազան մասունք տարվել է Վաղարշապատ, Բյուզանդիա, Իտալիա:
Մայր Աթոռ Ս. Էջմիածնում պահվող Լուսավորչի Ս. Աջը Հայ եկեղեցու կարևորագույն սրբություններից մեկն է, որով օրհնվում է սրբազան մյուռոնը:
Ս. Գրիգոր Լուսավորչի նշխարների գյուտի տոնը նշվում է Հոգեգալստից հետո, չորրորդ շաբաթ օրը: Տոնի օրը եկեղեցիներում մատուցվում է Ս. Պատարագ: Տոնի առիթով Հայ եկեղեցին սահմանել է շաբաթապահք: Տոնն ունի նաև իր նախատոնակը:
Latest from Live24
- Ո՞վ է որոշում, այսպես կոչված, «Զանգեզուրի միջանցքի» հարցը, և ինչո՞ւ է Հայաստանը մղվել երկրորդ պլան
- Գործընթացը վաղուց սկսված է․ Սերժ Սարգսյան
- 36–ը վատ թիվ եք ասում․ Երբ ունենանք 54 ստորագրության, կմտցնենք խորհրդարան․ Սերժ Սարգսյանը՝ իմփիչմենթի գործընթացի մասին
- Գնալու ենք մինչև վերջ, վստահ եմ, որ մեզ կհաջողվի գեներացնել փողոցը. Դավիթ Համբարձումյան
- ՀՀ–ն` որպես դոնոր, Ասիական զարգացման հիմնադրամին կվճարի 1 մլն դոլար. որոշում
- ԱՄՆ–ն փոթորկվում է. անկարգություններ են սկսվել նաև Վաշինգտոնում և Սիեթլում
- ՀՀ–ից Ռուսաստան և վերադարձ տուն. ԱՄՆ դեսպան Լին Թրեյսին ավարտում է իր առաքելությունը
- #Известия. ՀՀ իշխանություններն ուզում են բողոքի ցույցեր հրահրել, որպեսզի ընտրություններին դրանք արդեն մարած լինեն
Լրահոս
Ֆոտո
