Ռուսաստանի պաշտպանության նախարարությունը հայտնել է, որ հակաօդային պաշտպանության (ՀՕՊ) համակարգերը ոչնչացրել և կալանել են 114 ուկրաինական անօդաչու թռչող սարք։ Կրասնոդարում կա 1 զոհ, 6 վիրավոր։

«ՌԴ ՊՆ հաղորդագրությունում նշվում է, որ 70 ԱԹՍ կալանվել է Ղրիմի և Սև ծովի, 43-ը՝ Կրասնոդարի երկրամասի և 1-ը՝ Վոլգոգրադի մարզի օդային տարածությունում:

Պաշտպանության նախարարությունում նաև հայտնել են, որ Սևծովյան նավատորմի ծովային օդուժը Սև ծովի հյուսիս-արևմտյան մասում ոչնչացրել է Ուկրաինայի ռազմածովային ուժերի 6 հեռակառավարվող նավ։

Կրասնոդարի երկրամասի նահանգապետ Վենիամին Կոնդրատևը Telegram-ալիքում հայտնել է, որ անօդաչու թռչող սարքի բեկորների ընկնելու հետևանքով զոհվել է Կրասնոդարի կաթսայատան աշխատակիցներից մեկը։

Կրասնոդարի երկրամասի օպերատիվ շտաբից հայտնել են, որ ուկրաինական ԱԹՍ-ն ընկել է Կրասնոդարի մերձակայքում գտնվող նավթավերամշակման գործարանի վրա, բռնկվել է հրդեհ, որը մարվել է։ ԱԹՍ-ների բեկորներից Կրասնոդարում տուժել է 6 մարդ։

Միևնույն ժամանակ, Ուկրաինայի ռազմաօդային ուժերը հունիսի 21-ի առավոտյան հայտնել են, որ գիշերը ռուսական բանակն օդային բազավորման չորս թևավոր հրթիռ է արձակել Ուկրաինայի թիրախների ուղղությամբ: Գերատեսչությունում նշել են, որ չորս հրթիռներն էլ խոցվել են:

Վաղարշապատի համայնքապետարանից հայտնում են, որ հուլիսի 1-ից կարգելվի մեծ բեռնվածությամբ բեռնատարների երթևեկը Էջմիածնում: Սա տրանսպորտային միջոցի դատարկ քաշն է և առավելագույն բեռի զանգվածը, որը հնարավոր է տեղափոխել:

Այդ երկու գործակիցների գումարը չպետք է գերազանցի 15 տոննան:

«Ճանապարհային ոստիկանության հետ համագործակցությամբ այսօր մեկնարկել են փողոցների` ճանապարհային նշաններով կահավորման աշխատանքները:

Որոշման համար հիմք են ծառայել քաղաքի բեռնաթափումը, ճանապարհների թողունակության սահմանափակումը և հանգամանքը, որ ծանր բեռնատարները վնաս են պատճառում քաղաքի հիմնանորոգված փողոցներին, քայքայում են ասֆալտաշերտը:

Տուգանքներից խուսափելու համար վարորդներին հորդորում ենք հետևել ճանապարհային նշաններին»,- նշված է ֆեյսբուքյան գրառման մեջ:

Մեր գյուղն անտեր է մնացել, ոնց որ եթիմ երեխա լինենք, դժոխքի դռանն ենք ապրում.

Լենա տատիկը՝ Սրբազանին

Տեսանյութ 

Ողջ Հայաստանն է դառնալու Կիրանց ու Տիգրանաշեն, մարդկանց հետ են աշխատում, որ գույքերը հանձնեն

Տեսանյութ

Օկուպացված Մեխակավանում ականազերծման աշխատանքների ժամանակ ականի պայթյունից զոհվել է Ադրբեջանի ականազերծման գործակալության (ANAMA) աշխատակից, 1980 թ.-ին ծնված Ռագիֆ Իսաևը:

Այս մասին հայտնում են ադրբեջանական լրատվամիջոցները՝ հղում անելով ՆԳՆ-ի, գլխավոր դատախազության և ANAMA-ի համատեղ հայտարարությանը։

Պայթյունից տուժել են գործակալության այլ աշխատակիցներ ևս, որոնք հոսպիտալացվել են մարզային հիվանդանոց։ Նրանց վիճակը գնահատվում է բավարար։

Էստեղ 1000 դոլարանոց կրպակի համար 50 հազար դոլար են առաջարկել, ու՞մ փողով, բյուջեում նման տող կա՞

Տեսանյութ 

Ադրբեջանի Միլի մեջլիսը (խորհրդարան) դիմել է երկրի նախագահ Իլհամ Ալիևին՝ արտահերթ խորհրդարանական ընտրություններ նշանակելու նախաձեռնությամբ:

Նախաձեռնությանը կողմ է քվեարկել 105 պատգամավոր, դեմ՝ միայն մեկը։

«Էդ ձևի ցանկապատ, փշալար էս տարածքում գոյություն չունի»,-Բագրատ Սրբազանի հետ զրույցում ասացին Կիրանցցիները՝ նկատի ունենալով օրեր առաջ Փաշինյանի ցուցադրած սահմանյին փշալարերը։

«Իսկ Բերքաբերի հողերը հետ տվեցի՞ն, դիրքը մնաց ադրբեջանցիների՞ն, թե՞ նահանջել են, մերոնք ե՞ն նահանջել։

Հիմա ստախոսության պատկերը ստացաք։

Ամեն դեպքում գնանք արձանագրենք, գուցե մի թաքնված տեղում գտնեք այդ փշալարերը»,-ասաց Բագրատ Սրբազանը՝ նշելով, որ Կիրանցում միակողմանի զիջման արդյունքում ոչ միայն պետական սահմանի ամուր դիրքերն ու բնագծերն են քանդվել, այլ նաև մարդկանց սեփականության իրավունքներն են խախտվել։

«Այստեղ ստի պատմությունն եք տեսնում։

Մեր պայքարի տրամաբանությունը այդ սուտը կտրելն է»,-ասաց Բագրատ Սրբազանը։

«Էս կալոշը խորհրդանշում է մեր փողոցների վերջին օրերի հետադիմական, նաև արտաքին քաղաքական այն խայտառակությունը, որը մեզ ուզում է տանել դեպի մահ, կործանում։

Այս թունավոր միջավայրից մեզ ազատում է պետք, և այդտեղ երկու կարծիք չի կարող լինել։

Սա պետք է ուղղակի շպրտվի մեր իրականությունից»,- այսօր ԵՄ անդամկացության համար կազմակերպված լսումների ժամանակ Աժ ամբիոնից, կալոշը թափահարելով, ասաց «Հանուն հանրապետության» կուսակցության նախագահ Արման Բաբաջանյանը։

Նա Ազգային ժողովի ամբիոնից Եվրամիության դրոշը կախեց՝ ասելով․ «Որպեսզի պատկերավոր լինի այս քննարկումը, կուզեմ՝ այս դրոշի ներքո անցկացնել քննարկումները։

Կարծում եմ՝ շատ ավելի գեղեցիկ և պատկերվոր կլինի»,-ասաց նա՝ կալոշը դնելով դրոշի վրա։

Նրա քայլը արժանացավ դահլիճի բուռն ծափահարություններին:

Ադրբեջանի նախագահ Իլհամ Ալիևն ԱՄՆ պետքարտուղար Էնթոնի Բլինքենի հետ հեռախոսազրույցի ժամանակ հայտարարել է, որ «վաղուց ժամանակն է պաշտոնապես դադարեցնել չգործող ԵԱՀԿ Մինսկի խմբի և դրա հետ կապված բոլոր ինստիտուտների գործունեությունը»։

Այս մասին հայտնում են ադրբեջանական լրատվամիջոցները։

Ալիևը նաև նշել է, որ «ժամանակն է ամբողջությամբ փակել հակամարտության էջը»։

Բլինքենն Ալիևի հետ խոսել է խաղաղության պայմանագրի անհապաղ կնքման մասին։