Կոչ ենք անում հանրությանը լինել զգոն և ճիշտ գնահատել արմատական ընդդիմության ցանկացած մանր կամ խոշոր սադրանք, արմատականներին հույս չտանք, որ սադրանքները կարող են հանգեցնել որևէ հաջողության։ Այս մասին հայտարարել է «Վրացական երազանքի» նախընտրական շտաբի ղեկավար, Վրաստանի վարչապետ Իրակլի Կոբախիձեն կուսակցության գրասենյակում կայացած ճեպազրույցում, հայտնում է Առաջին վրացական ալիքը։
Կոբախիձեի խոսքով, ոչ մի սադրանք հաջողությամբ չի պսակվի, և ցանկացած հանցավոր արարք խստորեն կպատժվի։
«Վրացական երազանքի» վարկանիշն այսօր մոտ 60 տոկոս է, և արմատական ընդդիմությունը դա շատ լավ գիտի։ Նման իրավիճակում նրանք բնականաբար ավելի քիչ են շահագրգռված խաղաղ ընտրական միջավայրի պահպանմամբ. Նախորդ բոլոր ընտրությունների փորձը մեզ հիշեցնում է, որ հավաքական «Ազգային շարժումը», առանց բացառության, միշտ փորձում է խաթարել ընտրական միջավայրը: Ուստի մենք չենք ակնկալում, որ այս ընտրություններն այս առումով բացառություն կլինեն.
Հոկտեմբերի 26-ին կայանալիք ընտրությունները հանրաքվե են, որը կորոշի, թե «պատերազմի կուսակցությունը» կարող է երկրորդ ճակատ բացել Վրաստանում, թե՞ երկիրը կմնա խաղաղության մեջ: Այնքան կարևոր բաներ են վտանգված Գլոբալ պատերազմի կուսակցության, Վրաստանի կառավարության և վրաց ժողովրդի համար, որ այս ֆոնի վրա ռիսկերը, բնականաբար, տասնապատկվում են»,- ասել է Կոբախիձեն։
Վարչապետի խոսքով՝ տեղեկություններ կան, որ արմատական ընդդիմությունն ակտիվորեն քննարկում է նման սցենարի արհեստական զարգացումը, որը կարող է հանգեցնել սոցիալական բունտի։
«Մենք կոչ ենք անում հանրությանը լինել զգոն և ճիշտ գնահատել արմատական ընդդիմության ցանկացած մանր կամ մեծ սադրանք։ Նախընտրական խաղաղ միջավայրը երկրում խաղաղության պահպանման ամենակարեւոր պայմանն է։ Ուստի արմատականներին պետք չէ հույս տալ, որ սադրանքները կարող են որեւէ հաջողության հանգեցնել»,- ասել է Իրակլի Կոբախիձեն։
0Comments