Ձյուդոյի Հայաստանի ընտրանու անդամներն անհաջող են մասնակցել Պորտուգալիայի միջազգային մրցաշարին:
60 կգ քաշային կարգում Հայաստանի ներկայացուցիչ Շահեն Աբաղյանը պարտվեց հենց մեկնարկային գոտեմարտում` զիջելով պորտուգալացի Ֆելիպե Կրուզին: Իսկ 81 կգ քաշային կարգում Դավիթ Սարգսյանը հենց մեկնարկում զիջեց իսպանացի Իգոր Հերերոյին:
Ֆերդինանդ Կարապետյանը և Արսեն Խանջյանը փետրվարի 10-12-ին կմասնակցեն Փարիզի «Մեծ սաղավարտ»-ի մրցաշարին, ինչպես նաև փետրվարի 22-24-ին՝ գերմանական Դյուսելդորֆ քաղաքում Գրան պրիի հերթական փուլին:
Ընտրանու անդամները ուսումնամարզական հավաք կանցկացնեն Գերմանիայում:
0Comments