Իրանի սահմանապահները Սարավանի շրջանում կանխել են զինված խմբի՝ երկրի տարածք ներթափանցելու փորձը, հարձակվողներից մեկը սպանվել է։ Այդ մասին Mehr-ի փոխանցմամբ հայտնել է Իրանի ոստիկանության ներկայացուցիչ, բրիգադի գեներալ Սայիդ Մոնթազեր ալ-Մահդին։
Ըստ նրա, Սարավանի սահմանապահ գնդի զինծառայողները նկատել են զինված խմբի տեղաշարժը, որը, ենթադրաբար, մտադիր էր ներթափանցել Իրան և դիվերսիա իրականացնել։
Սահմանապահները փակել են խմբի ճանապարհը, ինչից հետո տեղի է ունեցել զինված բախում։ Արդյունքում դրա մասնակիցներից մեկը սպանվել է, իսկ մյուսները նահանջել են՝ հետ վերադառնալով սահմանից այն կողմ։
Շրջանի սանրազննման ընթացքում իրանական ուժայինները հայտնաբերել և առգրավել են զենք ու կապի միջոցներ։