Թուրքիան կրկին թույլատրել է նավերին իր նեղուցներով անցնել դեպի Սև ծով՝ այն բանից հետո, երբ այդ շրջանում անվտանգության աճած ռիսկերի ֆոնին որոշ նավերի համար առաջացել էին անբացատրելի ուշացումներ։ Այս մասին հաղորդում է Bloomberg-ը։
Հում նավթի փոխադրման համար նախատեսված Aegean Dream տանկերը հինգշաբթի օրվանից սպասելուց հետո մտել է Դարդանելի նեղուց։ Ըստ նավերի տեղաշարժի հետևման տվյալների՝ այն ուղևորվում էր դեպի Կասպիական խողովակաշարային կոնսորցիումի տերմինալը՝ Ռուսաստանի Նովոռոսիյսկ քաղաքում։ Mehmet Kahveci A կոնտեյներատարը նույնպես անցել է նեղուցով դեպի Նովոռոսիյսկ։