ՀՀ նախագահի խորհրդական, նախկին պատգամավոր Թևան Պողոսյանը ֆեյսբուքյան իր էջում գրել է.
«Հայտնի խոսք կա` փոփոխություն ես ուզում, դարձիր այդ փոփոխությունը:
Մի ուրիշն էլ կա՝ վարվիր մարդկանց հետ այնպես, ինչպես կցանկանայիր, որ վարվեին քո հետ:
Մի միտք է հունիսի 20-ից հետո պտտվում մեր քաղաքական կյանքում` խայտառակ պարտություն կրած համայնքապետերը պիտի ինքնակամ հեռանան։ Տեսնես, սա սեփական օրինակի հիման վրա են մոգոնե՞լ, թե՞ սեփական արժեհամակարգից են ընկալել, հատկապես հայոց արդի պատմության ամենախայտառակ պարտության բերած և հասցրած կառավարության` Արցախյան շարունակվող պատերազմի 2020-ի աշնանային ռազմական փուլից։
Հուսամ, որ այդքան ասելուց հետո սեփական օրինակով կամրապնդեն իրենց իսկ առաջարկած քաղաքականությունը։ Հեռանան։
Դե կամ այլ պարագայում պատմական գնահատականը, միևնույն է, լինելու է, ինչքան որ փորձեն մոռանան, որ պարտությունը իրենց օրով էր»:
0Comments