Այսօր առավոտյան Աղդամում տեղի էր ունեցել Լեռնային Ղարաբաղում հրադադարի դիտարկման ռուս-թուրքական կենտրոնի բացումը։
Ադրբեջանական լրատվամիջոցները լուսանկարներ են հրապարակել ու որոշ մանրամասներ ներկայացրել ռուս-թուրքական համատեղ կենտրոնի մասին։
Կենտրոնի ընդհանուր տարածքը կազմում է մոտ 4 հեկտար: Տարածքում կա 65 մոդուլային գրասենյակային տարածք ու բնակարաններ, որոնք ապահովված են անհրաժեշտ բոլոր սարքավորումներով:
Կենտրոնում կա ճեպազրույցների սենյակ, 100 տեղանոց ճաշարան, բուժկետ, կարանոց, խանութ: Կենտրոնի տարածքում կա ջրակայան, գեներատոր, ավտոկայանատեղի, երկու մարզական ավան, սննդի ու սառնարանային պահեստներ:
Տարածքը ցանկապատված է, տեղադրված է չորս դիտակետ, կազմակերպվում է շուրջօրյա անվտանգություն:
Ռուս-թուրքական համատեղ դիտարկման կենտրոնի պահնորդությունն իրականացնելու է ադրբեջանական բանակը։
0Comments