«Դատական համակարգի հետ կապված շատ անելիք կա, ՀՀ-ում հասարակությունն ու հայ ժողովուրդը չունի բավարար վստահության աստիճան դատարանների նկատմամբ, ինչը մեծագույն խնդիրներից մեկն է ոչ միայն գործադիր իշխանության, այլ նաև ամբողջ համակարգի կայացման համար»,- պատասխանելով հարցին՝ դատարանների շրջափակումից ու միջազգային կառույցների արձագանքից հետո ի՞նչ եզրակացության են եկել՝ ակցիան ճիշտ էր, թե՝ ոչ,նման պատասխան տվեց ՀՀ փոխվարչապետ Տիգրան Ավինյանը:
Գագիկ Հարությունյանի հրաժարականը բավարար է արդյո՞ք համակարգի առողջացման համար հարցին, Ավինյանը նշեց, որ 1-2 անձի հրաժարականը համակարգային բարեփախումների չի բերում:
Խոսելով օրեր առաջ Ազատության հրապարակում կոչերի մասին, որոնք վերաբերում էին Արցախի նախագահի գլուխը քարերով ցխելուն,ասաց,որ ղալաթ էին անում:
Հարցին, թե այս դեպքում ինչ պետք է անեն իրավապահ մարմինները, Ավինյանը նշեց, որ իրավապահների անգործություն չի տեսնում, քանի որ այդ հայտարարություններից հետո կոնկրետ գործողություններ է տեսել:
Փոխվարչապետի խոսքերով, համապատասխան քննություն պետք է լինի և այդ քննությունը ցույց կտա, թե արդյունքում ինչ կլինի:
0Comments