Մի ընթերցող ահազանգել է՝ հայտնելով կենդանիների հանդեպ հերթական բարբարոսական վերաբերմունքի մասին։Միջուկային ֆիզիկոս ներկայացած Արթուր Մկրտչյանը տեղեկացրել է, որ դեպքը գրանցվել է Աշտարակի ձորի ռեստորանում։
«Տհաճ եւ բարբարոսական երեւույթ, որն անընդունելի է Նոր Հայաստանում։ Ռեստորանին կից բանտում է գտնվում արջերի մի ընտանիք։ Այնտեղ են գալիս ընտանիքներով, ուտում ու զվարճանում կենդանիների տառապանքով»,- տեղեկացրել է Մկրտչյանը։ Բացի նրանից, որ տեսարանն ինքնին տհաճ է, այն ուղեկցվում է գարշահոտությամբ, իսկ բարձր երաժշտությունը իսկական սթրես է կենդանիների համար։ «Ինչպես կարելի է տանջել անմեղ կենդանուն հանրությանը զվարճացնելու համար»,- վրդովվում է Մկրտչյանը՝ կոչ անելով արգելել նման վերաբերմունքը կենդանի բնության հանդեպ։
0Comments