«Քաղաքացիական գիտակցություն» ՀԿ ղեկավար Նարեկ Սամսոնյանն, ով մի խումբ քաղաքացիների հետ բողոքի ակցիա էր իրականացնում Հայկ Մարությանի եւ Արթուր Մեսչյանի դեմ` բողոքելով ԿԳՆ նախկին շենքի քանդման դեմ, այսօր լրագրողների հետ զրույցի ժամանակ հայատնեց, որ այս շենքը մշակութային ժառանգության նմուշ է, այն կարելի էր պահել և նորոգել, ոչ թե քանդել:
«Արթուր Մեսչյանը ևս պետք է հասկանա, որ որքան էլ վաղը-մյուս օրն ասի՝ իրեն ստիպել են, որ ինքը դա անի, չի ընդունվելու: Այս շենքն իրոք մշակութային ժառանգության նմուշ է: Այն կարելի էր պահել և նորոգել, ոչ թե քանդել: Հայկ Մարությանին մենք ուղերձներ ունենք հղելու, որ նա հանգիստ չլինի: Նա հանգիստ չի ունենալու իր պաշտոնավարման ընթացքում: Մարությանի կողմից փչացվում է Արթուր Մեսչյանի մտավորականի կերպարը: Հիմա նրան փորձում են դարձնել մարդ, ով Երևանում շենքեր է քանդում: Ո՞ւմ շահերից է բխում այս շենքը քանդելը: Հայկ Մարությանն ունի կոնկրետ շահեր այս շենքը քանդելու համար: Ինձ մեկ-մեկ թվում է՝ Հայկ Մարությանը Երևանի քաղաքապետարանը խառնում է Կարգին հաղորդման սքեթչերի հետ և դերասանի կերպարում փորձում է հարցեր լուծել: Ես կոչ եմ անում նրան վերադառնալ Սուպեր մամայի կերպարի բարոյական մասին: Ես դիտել եմ դա, ի միջի այլոց, պարոն Մարության, ձեզ կնոջ կերպարն ավելի շատ է սազում, քան քաղաքապետի, հորդորում եմ, որ մարդկային առումով վերադառնալ այդ կերպարին եւ միշտ հիշեք ակտիվիստների մասին, դա էն հայտնի վարունգի նման է, այսօր ձեզ մոտ է, վաղը մեկ ուրիշ տեղ է լինելու», - ասաց ակտիվիստը:
Նարեկ Սամսոնյանը նշեց, որ Հայկ Մարությանը փողով ակտիվիստներին տարել է քաղաքապետարան՝ ապահովագրելու իրեն բողոքի ակցիաներից, սակայն դրանից իրական ակտիվիստների թիվը չի պակասելու. «Գուցե այս շենքը քանդելու համար կաշառք են տվել, գուցե Հայկ Մարությանի ընկերներից մեկին է ձեռնտու այս շենքը քանդելը, չգիտեմ, ամեն ինչ կարելի է ենթադրել: Ներկայացվածը հիմնավորումներ չի, աբսուրդի թատրոն է»:
Նարեկ Սամսոնյանի խոսքով` նախկինում մշակութային արժեք ներկայացնող շենքերի քանդման դեմ բողոքող ակտիվիստներն այժմ դարձել են «ռեժիմի ստրուկ» եւ այդ պատճառով բողոքի ակցիաներ չեն անցկացնում:
«Անկեղծ ասած ես սպասում էի, որ Զառա Հովհաննիսյանը գա էստեղ ջութակ նվագի, Համասյանը` դաշնամուր, Սաքունցը գա քննադատի, կամ Լեւոն Բարսեղյանը մի-երկու քֆուր տալով գար: Մենք սպասեցինք, որ ցույց տանք, որ այս մարդիկ այլեւս չկան, կոպիտ ասած ռեժիմի ստրուկ են դարձել»,-հավելեց նա:
0Comments