Ռազմավարական զորավարժության պլանային միջոցառումների շրջանակում, ելնելով ստեղծված պայմանական իրադրության առավել օբյեկտիվ գնահատման անհրաժեշտությունից, ԱՀ ՊՆ, ՊԲ հրամանատար, գեներալ-լեյտենանտ Կարեն Աբրահամյանի եւ բանակի հրամանատարի տեղակալների վերահսկողությամբ, ներգրավված զորամասերի հրամկազմը հոկտեմբերի 1-ին առաջնային գծի տարբեր ուղղություններում իրականացրել է տեղազննում եւ ճշգրտել հետագա անելիքները մարտական գործողությունների վարման պայմանական թատերաբեմերում:
Արցախի ՊՆ-ից NEWS.am-ին հայտնում են, որ միջոցառման ժամանակ ներկայացվել են զեկույցներ առկա իրադրության եւ հավանական զարգացումների վերաբերյալ, ճշգրտվել փոխգործակցության խնդիրները՝ ելնելով հակառակորդի ուժերի վերադասավորման առանձնահատկություններից, ըստ անհրաժեշտության խմբագրումներ կատարվել նաեւ մեր ուժերի գործողություններում:
Տեղանքում իրականացված աշխատանքների ընթացքում ներկա հրամկազմի ներկայացուցիչները նաեւ ստացել են հանձնարարականներ՝ հետագա անելիքների վերաբերյալ:
0Comments