23-ամյա Դիոն Լին ստիպված էր իր մարմնի վրա դաջվածք անել «Դա կոչվում է վիտիլիգո» գրառմամբ անցորդների ծաղրից խուսափելու համար:
Ինչպես հաղորդում է The Daily Mail-ը, Լին բախվում էր իր հասցեին արվող տհաճ մեկնաբանությունների հետ: Նրա պատմելով՝ մի քանիսն անգամ բացահայտ կերպով հարցնում էին՝ արդյո՞ք կնոջ հիվանդությունը վարակիչ է: Իր արտաքին տեսքի պատճառով Դիոնը ստիպված էր հրաժեշտ տալ մարմնամարզիկի կարիերային, քանի որ ամաչում էր լողազգեստով ներկայանալ հանրությանը:
Նրան օգնել է դժվարությունները հաղթահարել եւ հավատալ սեփական ուժերին սուպերմոդել Վինի Հարլոուի պատմությունը, որի մոտ եւս ախտորոշել են վիտիլիգո: «Այժմ ես սիրում եմ իմ մաշկը եւ այլեւս չեմ թաքցնում այն դիմահարդարման միջոցով»,-ասել է երիտասարդ կինը:
Դիոնը մի քանի տարի շարունակ մտածել է իր մարմնի վրա դաժվածք անելու շուրջ, որը կհայտներ այդ ախտորոշման մասին: «Վիտիլիգոն ինձ հետ կլինի մշտապես, ինչպես եւ այս դաջվածքը»,-պատմել է նա: Դիոնը նշել է, որ այլեւս չի ամաչում հետքերից իր մարմնի վրա եւ փորձում է կրել բաց հագուստ, գրում է NEWS.am Medicine:
0Comments